Breudwd Rhyddiaith Gymraeg 1300-1425
English

Rhydychen, Llsgr. Coleg yr Iesu 57 – tudalen 191

Llyfr Blegywryd

191

cadỽ gỽestei. Pedwyryd yỽ; cadỽ aỻtutyaeth gan
dyn Hynn o|betheu yssyd vn vreint a|ỻedrat
yn|ỻaỽ. O|r byd dyn yn kerdet fford. a chaffel ys+
grybyl neu da araỻ marỽaỽl yn vn gerdet ac
ef rac y vronn. kystal yỽ idaỽ hỽnnỽ a ỻedrat
yn ỻaỽ. Eil yỽ. o|r keffir ỻedrat dan un do
ac ef. neu yn un warchae ac ef. kystal yỽ hỽn  ̷+
nỽ a ỻedrat yn|ỻaỽ. Trydyd yỽ; kaffel ỻedrat
yn ỻaỽ dyn. neu ar y geuyn. neu gỽedy y vỽrỽ
y|r ỻaỽr. am bop un o|r tri hynny. reit yỽ y|r dyn
geissyaỽ ardelỽ kyfreithaỽl y vỽrỽ y ỻedrat.
Pop dadyl yn|y hamot. nyt amot heb amot+
wyr. vn|diwat vyd amot a|mechniaeth. Ny
dyly neb gỽneuthur amot dros y gilyd heb y gan+
nyat. na|that ar dorr y vab. na mab ar torr y
dat. kany phara amot namyn yn oes y neb
a|e gỽnel. kyt gỽneler amot yn erbyn kyfreith. dir
yỽ y chadỽ. amot a|dyrr dedyf. Trech amot
no gỽir. ỽ un dyn y diwat amot heb amotỽyr.
Ot edeu dyn da y araỻ yng|gỽyd tyston. a