Breudwd Rhyddiaith Gymraeg 1300-1425
English

Rhydychen, Llsgr. Coleg yr Iesu 57 – tudalen 162

Llyfr Blegywryd

162

ỻỽyr dỽng. ac o|r byd ar neb adef ỻad eidyon o|r
ỻaỻ talet y perchen Vn peth ar|dec yssyd a gỽ+
erth pob un o·honunt yỽ pedeir keinyaỽc cotta.
nyt amgen ỻo kynfflith a|e theth. pedeir keiny+
aỽc cotta pan|dotter gyntaf ieu ar ych. a phedeir
keinyaỽc a chwaneckeir ar werth march pan
ffrỽyner gyntaf. a gauyr. a|bỽch. ac asgỽrn tỽnn
uch creuan. ac ebaỽl ymdiuat. a|phedeir keiny+
aỽc gỽastrodyon. a|phedeir keinyaỽc heit a|dis+
gynno ar gangenn. a chostaỽc tom. Ny dyly
kynnen vot ar|leidyr a|berthyno y werthu yny
vo manac arnaỽ yn gyntaf yn tri|ỻe. megys
y mae racdywededic kynno hynn. Ny dyly
bot reith ar leidyr kyssỽyn yny vo manac ar+
aỽ* yn|gyntaf yn ỻys.  ~ ~ ~ ~  
L lo o hanner maỽrth neu ebriỻ. hyt ga+
lan racuyr. chwe|cheinyaỽc a|dal. O hynny
hyt galan chwefraỽr. wyth keinyaỽc a|dal. O
hynny hyt galan mei dec keinyawc. a|dal. O hynny
hyt aỽst. deudec. keinyawc. a|dal. Hyt galan chwefraỽr