Breudwd Rhyddiaith Gymraeg 1300-1425
English

Rhydychen, Llsgr. Coleg yr Iesu 57 – tudalen 158

Llyfr Blegywryd

158

phan gymero tir. Y neb a|dalo dec|sỽỻt. veỻy dec
sỽỻt a|tal yn|y ebediỽ. yn|y racdywededigyon achỽ+
ysson. Pob erỽ o dir kyỻidus a|dal kymeint a|e
gilyd yn|y vlỽydyn.  ~ ~ ~   ~ ~ ~  
S Eith escopty yssyd yn|dyuet. vn yỽ. mynyỽ.
yn eistedua arbennic y|nghymry. Eil yỽ
eglỽys ẏsmael. Tryded yỽ. ỻann degman. Pedwa+
red yỽ ỻann vsyỻt. Pymhet yỽ. llann deilaỽ.
Chwechet yỽ. ỻann dyflydaỽc. Seithuet yỽ ỻann
geneu. abadeu teilyaỽ. a|thyflydaỽc. ac ẏsmael.
a degman. a|dylyant uot yn|ỻythyraỽl urdoly+
on. Ebediweu y rei hynny yỽ y arglỽyd dyuet
decpunt. a|r neb a|del yn eu ỻe talet. Mynyỽ a
dyly bot yn ryd o bop ryỽ dylyet. ỻann geneu
a ỻann usyỻt. ryd ynt o ebediweu. kanyt oes
dir eglỽys udunt. Y neb a|wnel gỽaet ar abat
un o|r eisteduaeu arbennic racdywededic. ta+
let seith|punt idaỽ. a golchydes o|e genedyl yr gỽ+
aratwyd y|r genedyl. ac yr cadỽ cof am dal y sar+
haet Pum nyn nessaf y werth y|ỽ adeu* beich