Breudwd Rhyddiaith Gymraeg 1300-1425
English

Rhydychen, Llsgr. Coleg yr Iesu 57 – tudalen 148

Llyfr Blegywryd

148

dichaỽn y tat rodi y neb y tri hynny namyn
y|r mab ieuaf. a chyt gỽystler ỽynt. ny dygỽyd+
ant vyth. Odyna kymeret pob braỽt. eissydyn
ac ỽyth erỽ. a|r mab ieuaf a rann. ac o|hynaf y
gilyd dewis hyt att y ieuaf. Teir gỽeith y ren+
nir yr un tref·tat rỽng teir|grad kenedyl. yn
gyntaf rỽng brodyr. Eilweith rỽng keuynde+
rỽ. Tryded weith rỽng kyuerderỽ. Odyna nyt
oes priaỽt rann ar tir. Ny|dyly neb gouyn at+
rann. o·nyt y neb ny chafas rann dewis. Ny
cheiff neb tir y gyt·etiued megys y vraỽt. neu
y geuynderỽ. neu y gyuerderỽ gan y ouyn trỽy
yr vn kyt·etiued hỽnnỽ a uei uarỽ heb etiued
idaỽ o gorff. namyn gan y ouyn trỽy vn o|e
rieni ef a uu berchen y|r|tir hỽnnỽ hyt uarỽ.
ae dat. ae hendat. ae orhendat. Y tir hỽnnỽ a|geiff
ef. os efo y nessaf car y|r marỽ. Gỽedy ranno
brodyr tref eu tat y·ryngthunt. o|r byd marỽ
un o·honunt heb etiued o|e gorff. neu y gyt·e+
tiuedyon hyt geifyn. y brenhin bieiuyd. ac a|vyd