Breudwd Rhyddiaith Gymraeg 1300-1425
English

Rhydychen, Llsgr. Coleg yr Iesu 57 – tudalen 147

Llyfr Blegywryd

147

trỽy ach ac eturyt. Teir etiuedyaeth kyfrei+
thaỽl yssyd. ac a drigyant yn dilis yn* etiuedy+
on. vn yỽ. etiuedyaeth trỽy dylyet. o|bleit rie+
ni. Eil yỽ etiuedyaeth a|gaffer trỽy amot
kyfreithaỽl y gan y perchen yr gỽerth. Try+
dyd yỽ. etiuedyaeth a|gaffer trỽy amot kyfre+
ithaỽl o vod y perchen heb werth. O|r|gỽneir
eglỽys o gannyat y brenhin myỽn taeaỽctref.
ac offeiryat yn offerennu yndi. a|e bot yn gorff+
lan hi. ryd vyd y dref honno o hynny aỻan.
Pỽy|bynnac a|holo tir eglỽyssic. nyt reit idaỽ
aros naỽ·uettydyeu am·danaỽ. namyn ago+
ret vyd gỽir idaỽ pan y mynnho. O R kym+
er taeaỽc brenhin mab breyr ar uaeth gan
gannyat y brenhin. kyfrannaỽc vyd y mab
maeth ar tref·tat y taeaỽc ual un o|e ueibyon.
P an ranno brodyr tref eu tat [ e|hun.
y·ryngthunt. y ieuaf a|geiff y tydyn
arbennic a hoỻ adeil y|dat. ac ỽyth erỽ o tir
a|e gaỻaỽr. a|e vỽyaỻ gynnut. a|e gỽỻtỽr. kany