Breudwd Rhyddiaith Gymraeg 1300-1425
English

Rhydychen, Llsgr. Coleg yr Iesu 57 – tudalen 125

Llyfr Blegywryd

125

a|e sarhaet ueỻy. Gỽerth aỻtut bilein yỽ. han+
ner gỽerth aỻtut breyr. a|e sarhaet ueỻy Bren+
hin a|geiff traean pop galanas o|r a|gymheỻo
ỻe ny aỻo kenedyl y gymeỻ. ac a|gaffer o da
y|r ỻofrud o|r pryt y gilyd y brenhin bieiuyd.
Punt a|hanner yỽ gỽerth caeth tra·mor. Os
o|r ynys hon yd henuyd. punt vyd y werth. ac
veỻy os anafus. neu ry|hen. neu ry ieuangk.
nyt amgen ỻei noc ugein|mlỽyd. punt yỽ y
werth. a|deudec keinyaỽc yn|y sarhaet. Chỽech
cheinyaỽc dros deir ỻath o vrethyn gỽynn y
wneuthur peis idaỽ. a their kein·yaỽc dros
ỻaỽdỽr. a cheinyaỽc dros guraneu. a dyrnuol+
eu. vn dros wdyf. neu vỽyaỻ os coedỽr vyd. vn
dros raff deudec kyuelinyaỽc. Teirgỽeith y
dyrcheif ar sarhaet gỽr a vyder gan y wreic y
dreis. neu a dycker y ỽrthaỽ. Y neb a|dywetto ar
araỻ sarhau y gorf. o|r gỽatta hỽnnỽ. gỽadet ar
y lỽ e|hun heb a·chwanec. Ot enhwa ef waet kyn+
ny weler. neu welet cleis arnaỽ. y lỽ ar|y drydyd