Breudwd Rhyddiaith Gymraeg 1300-1425
English

Rhydychen, Llsgr. Coleg yr Iesu 57 – tudalen 112

Llyfr Blegywryd

112

honunt y telir naỽ mu a naỽ ugeint aryant.
Punt yỽ ebediỽ pob un ohonunt. Ebediỽ bre+
yr yỽ chweugeint. Ebediỽ bilein breyr yỽ
trugeint. kany byd na maer na chyngheỻa+
ỽr a dylyont traean ar vilaeneit breyr. O|r
byd eglỽys ar tir bilaen brenhin. chweuge+
int a dal yn|y ebediỽ. Ebediỽ abat deudec
punt. Pedeir ar|hugeint yỽ ebediỽ gỽr ys+
taueỻaỽc. ac y arglỽyd y tir y bo yr ystaueỻ
arnaỽ y telir. Ebediỽ bonhedic canhỽynaỽl
yỽ. dec a phedwar|ugeint. Ebediỽ aỻtut y
rodo y brenhin idaỽ dir. trugeint yỽ. a hanner
hynny a dric y|r brenhin. kanys megys idew*
yỽ. a|r hanner araỻ a geiff y maer a|r kyng+
heỻaỽr yn|deu hanner y·ryngthunt. Ony byd
plant yr aỻtut y hoỻ|da a|geiff y brenhin dy+
eithyr kymeint a|e|dylyet pan vo marỽ. Naỽd+
ỽr brenhin. chỽeugeint vyd y ebediỽ. a hỽnnỽ
a|elwir gỽaessafỽr. Y neb a vo marỽ ar tir
dyn araỻ. vn ar|bymthec a|delir dros y varỽ+
dywarchen.