Breudwd Rhyddiaith Gymraeg 1300-1425
English

Rhydychen, Llsgr. Coleg yr Iesu 57 – tudalen 11

Llyfr Blegywryd

11

el y gynutta. a|chymeint ac a aỻo y vỽrỽ a|e
wdyf. Y porthaỽr a|r kynnuttei. ny henynt
o rif y pedwar sỽydaỽc ar|hugeint. O mede+
ginyaetha y medyc ỻys nebun brathedic. o
wyr y ỻys yny vo Jach. y waet·wisc a|geiff ef.
a|r tudedyn uchaf y|r brenhin pan ymwelo
gyntaf ac ef. Hyt hynn y dywetpỽyt am nod+
uaeu y pedwar sỽydaỽc ar hugeint. pỽy byn+
nac o·honunt y torrer y naỽd. Weithyon
y dywedir beth a dylyir y dalu. dros sarha+
et pob vn a|e werth.  ~ ~ ~  
S arhaet penteulu yỽ traean sarhaet
y brenhin. a|e werth yỽ traean gỽerth
y brenhin. a phob vn heb eur a heb aryant.
Sarhaet pob un o|r rei hynn nyt amgen.
Distein. Penkynyd. Pengỽastraỽt. Braỽ+
dỽr ỻys. Hebogyd. Gwas ystaueỻ. Morỽyn
ystaueỻ. naỽ mu. a naỽ ugeint aryant.
Gỽerth pob un ohonunt yỽ. naỽ mu. a naỽ
ugein|mu gan dri dyrchafel. Ereiỻ a|dyw+