Breudwd Rhyddiaith Gymraeg 1300-1425
English

Rhydychen, Llsgr. Coleg yr Iesu 20 – tudalen 56bv

Saith Doethion Rhufain

56bv

mor ieuangk o oetran. mor dinerth o
gorff. ac mor aduỽyn o bryt yn ỻe
mor ofnaỽc a hỽnnỽ e|hunan. Ac yna
y dywaỽt hitheu nat oed arnei ofyn
kymeint a hỽyret yd oed angheu yn
dyuot idi. A|r marchaỽc a ovynnaỽd
idi pa achaỽs oed hynny. Cladu heb hi
y gỽr mỽyaf a gereis yr·moet ac a ga+
raf tra vỽyf vyỽ yn|y lle hỽnn hediỽ. di+
ogel vu ry|garu o·honaỽ ynteu vinneu
yn vỽy no neb pann dyckei y adoet e|hun
o|m achaỽs inneu. A vnbennes heb
y marchaỽc pei vyg|kyghor a|wnelut
ti a drout o|r medỽl hỽnnỽ ac a gymerut
gỽr a vei gystal a|th ỽr titheu dy hun neu
a vei weỻ. Na vynnaf myn y gỽr ys+
syd vch ym penn gỽr vyth wedy ef. A
gwedy ymdidan rynnaỽd o·nadunt
y marchaỽc a gyrchaỽd tu a|r crocwyd.
A phann doeth ef neur athoedit ac vn o|r
lladron ymeith. A drỽc yd aeth arnaỽ