Breudwd Rhyddiaith Gymraeg 1300-1425
English

Rhydychen, Llsgr. Coleg yr Iesu 20 – tudalen 20v

Owain

20v

vẏd gwahanfford a|thi ar y tu deheu
yt. Kerda ar hẏt honno yny delich y lann+
erch vaỽr o vaes. a gorsed yn|y pher+
ued. a gỽr du maỽr a welẏ ẏm|pen ẏr
orset. ny bo llei dim no deu ỽr o wyr
y byt honn*. ac vn troet yssyd idaỽ. ac
vn llygat yg|knewillin ida. a ffon ys+
syd yn|y laỽ o hayrn a dieu yt nat oes
deu ỽr yn|y byt ny chaffo eu llỽyth yn|y
ffon. ac nyt|gỽr anhegar ef. gỽr aghyf+
yaỽn yỽ ynteu. a choedỽr yỽ ef ar
y coet hỽnnỽ a|thi a weli mil o ani+
ueilieit yn pori yn|y gilch a gouẏn
idaỽ fford ac ef a vynic yt fford
ual y kyffych yr hynn a geissy a hir
yaỽn vu gennyf ẏ nos honno. a|r bore
dranoeth ẏ kẏuodeis a gwysgaỽ am+
danaf. ac esgynnu vẏ march a cher+
ded ragof ar hyt y dyffryn y coet
ac y|r wahanfford a venigis*gỽr