Breudwd Rhyddiaith Gymraeg 1300-1425
English

Rhydychen, Llsgr. Coleg yr Iesu 119 (Llyfr Ancr Llanddewi Brefi) – tudalen 92r

Ymborth yr Enaid

92r

kynnỽyssir dynyon a|ymloscont o|dỽyỽaỽl annỽ+
ylserch garyat yn gymeint ac y|madeuont bop
ryỽ beth yr y garyat ef. Ac am hynny nessaf
neb yỽ y|duỽ y|mỽyhaf a|e karo. Ac velle drỽy
y karyat hỽnnỽ y kyssylltir dyn a|duỽ. A megys
y|mae duỽ yn vyỽyt yr eneit. Velle y|mae y|gary+
at yn ymborth idaỽ. kannys megys y|gỽahana
dynyaỽl eneit y vrth y|gnaỽtaỽl gorff onny|cheiff
y corff yvydaỽl ymborth. Velle y|gwahana duỽ ar e+
neit onny cheiff yr eneit y|nefaỽl ymborth. Sef
yỽ hỽnnỽ dỽyỽaỽlber deilỽng garyat. Y perffeith
garyat hỽnnỽ an rodho yr yspryt glan yr hỽnn
ysyd wir garyat yn kyniret annỽylserch yrỽg
y|tat ar mab. Ac a uuchedockaa yn vn dỽyỽolder
ac ỽynt yn dragyỽydaỽl oes oessoed. AmeN.
Ac velle y|teruynha y llyuyr a elỽir ymborth yr
eneit yr hỽnn ysyd drydyd llyuyr o|r llyuyr a|elỽir
kyssegrlan uuched. Ysgythrer yma gylch o|naỽ
rad yr engylyonn megys y|perthyno y|bop gras
yn briaỽt. Ac yn|y rad vchaf vn mab duỽ. megys
y|llunyỽyt vchot yn dygynlut ymgaru a|e ffyd+
dlonnyon.