Breudwd Rhyddiaith Gymraeg 1300-1425
English

Rhydychen, Llsgr. Coleg yr Iesu 119 (Llyfr Ancr Llanddewi Brefi) – tudalen 76v

Marwolaeth Mair

76v

eneit y|gyssegredic veir y|vyny. Ac ar hynny na+
chaf gabriel archangel yn|troi y|maen y|ar y|bed.
Ac yna y|dyỽat yr arglỽyd vrthi val hynn. vyg
ketymeithes am kyfnessaf am colomen. gorffỽys+
ua y gogonnyant. llester y|uuched. temyl nefaỽl.
kyuot y|vynyd. kannys megys na chytssynnye+
ist di ac haalogrỽyd pechaỽt trỽy gytssynnyaỽ.
ny diodefuy ditheu ynn deilỽg dy gorff yn|y bed.
Ac yna yn diannot y kyuodes y gyssegredic veir o|r
bed. A|dygỽydaỽ ar dal y|deulin y|adoli y|draet yr ar+
glỽyd. a dechreu a oruc moli duỽ. a|dyỽedut vrth+
aỽ val hynn. ny allaf vi arglỽyd talu diolchev
a|vei deilỽg ytti. kanny allei yr holl vyt dy|voli
di ynn gyfyaỽnn. Ac eissoes bit venndigedic dy
enỽ di duỽ yr|ysrael. A|bit dyrchauedic dy enỽ di
ygyt ar tat ar yspryt glan. ac yn|yr oes oessoed  ̷
A|e dyrchauel a|oruc yr arglỽyd idi yna. a|mynet
dỽylaỽ mynỽgyl idi. a|e|rodi at vihagel archan+
gel. ac yna rac y|vronn ef y|dyrchafaỽd ygyt a|e
engylyonn yn|yr wybyr. Ac yna y|dyỽat yr arglỽ+
yd vrth yr ebestyl. nesseỽch ygyt a|mi yn|yr wy+
brenn. A gỽedy eu dyuot attaỽ. y|dyỽat val|hynn.
Mi a|adaỽaf yỽch tagneued. a|mi a|vydaf ygyt
a|chỽi hyt ynn diỽed yr oes. Ac odyna gỽedy
dyỽedut ohonaỽ hynny. ygyt a|e engylyonn