Breudwd Rhyddiaith Gymraeg 1300-1425
English

Rhydychen, Llsgr. Coleg yr Iesu 119 (Llyfr Ancr Llanddewi Brefi) – tudalen 76r

Marwolaeth Mair

76r

duỽ. ti du hunan a|ỽney pob peth o|r a|vo anryued.
Ac yna y|dyỽat yr arglỽyd vrthunt. kynn vy an+
uonn o|m tat y gỽpplav kyssegyr y|diodeiueint
a|mi ettỽa yn gorfforaỽl ygyt a|chwi. yd edeỽeis
i yỽch chỽi a|oedeỽch ymketemeithas yn atanedi+
gaeth y|dynyon. pann eistedho mab dyn yg|kadeir
vraỽdỽryaeth. yd eistedỽch chỽitheu ar|y|deudec
kadeir y|varnnv ar deudec llỽyth yr ysrael. hynn
yntev a etholes vynn tat. i. o vn o lỽytheu yr ys+
rael y|gymryt knaỽt ohonei. Ac am hynny y
kyssegreis. i. hi yn demyl ym yn dilỽgyr y|gỽeryn+
daỽt y|bressỽylaỽ ohonei kynn escor a gỽedy escor.
A|llyma weithonn ỽedy ry|gỽpplav ohonei hi dy+
lyet yr annyan. Pa|beth bellach a|vynnỽch chỽi y
wnneuthur ohonaf|i. am·danei hi. Peder yna ar
ebestyl a attebassant idaỽ val hynn. Ti arglỽyd
a|etholeist yt y llestyr hỽnn ynn lanaf ac yn laỽ+
naf o|r llestri. pob peth arglỽyd a|wnneuthost
kynn oessoed yn berffeith. Ac vrth hynny arglỽ+
yd. o gallei vot ger bronn dy ry buched di a|th
veddyant. ef a|ỽelir yni dy weisson di megys y
gỽledychych di y|th ogonyant. kyuodi ohonat
dy vam a|e dỽyn yn llaỽen yr|nef. Ac yna y|dyỽat
yr arglỽyd. Bit herỽyd ych barnn chỽithev. Ac
erchi a|oruc ef y vihagel archangel dydỽynn e