Breudwd Rhyddiaith Gymraeg 1300-1425
English

Rhydychen, Llsgr. Coleg yr Iesu 119 (Llyfr Ancr Llanddewi Brefi) – tudalen 75r

Marwolaeth Mair

75r

dynyaỽl yn kallonnoed val na chrettom y|ỽrthyev
duỽ. Ac yn bennaf oll pann dyỽedassam yn erbyn
krist oc an llef yn dyỽedut. Bit dy waet arnam
ni. Ac ar yn meibon ỽedy ni. A mann y|pechaỽt
diruaỽr hỽnnỽ yssyd val glut vrthym. Peder a
attebaỽd yna idaỽ val hynn. yr emelltith honno
heb ef a argyỽedha yr neb ny|chretto. namyn y|ba+
rahu yn diffydlaỽnn. y|neb hagen a|ymhỽelho.
a|chredu. ny nekeeir ef o|drugared. Ac yntev yna
a|attebaỽd y beder. ac a|dyỽat vrthaỽ val hynn.
Mi a|gredaf hep ef pob peth o|r a|dyỽedy gann dru+
garahu o·honot vrthyf. val na bỽyf varỽ. Ac
gỽedy seuyll peder ar elor. y|dyỽat tyỽyssaỽc yr
offeireit. mi a|gredaf heb ef y vap duỽ yr hỽnn a
ymduc honn yn|y bru. Ac Jessu grist an harglỽyd
ni. Ac ar hynny yn diannot y|rydhaỽyt y|dỽylaỽ
y ỽrth yr elor. Ac eissoes y|vreicheu a|oedynt diff+
rỽyth ettỽa. Ac nyt yttoed hep dolur arnaỽ. Ac
yna y|dyỽat peder vrthaỽ. dynessa hep ef at y|corff
A chussana yr elor. A|dyỽet mi a|gredaf y Jessu grist
vap duỽ an harglỽyd ni yr hỽnn a|ymduc honn
yn|y bru. Ac a|uu yr hynny wyry gỽedy escor val
kynn escor. a phann daroed idaỽ dyỽedut hynny.
A|rodi y enev ỽrth yr elor. y kauas y|holl Jechyt.
Ac yn dechreuaỽl moli duỽ a|oruc yn vaỽrydic. A