Breudwd Rhyddiaith Gymraeg 1300-1425
English

Rhydychen, Llsgr. Coleg yr Iesu 119 (Llyfr Ancr Llanddewi Brefi) – tudalen 71r

Marwolaeth Mair

71r

gwell idi ynn enỽ yr arglỽyd. A|phann weles hi
ef wylyaỽ a oruc o|leỽenyd. A|dyỽedut vrthaỽ
val hynn. Jeuan vy mab heb hi mi a|archaf yt
coffau geir dy athro di. an harglỽyd ni iessu grist
yr hỽnn am gorchymynnaỽd. i. ytti. llyma
gỽedy vygalỽ. Ac yd|ỽyf yn mynet y|fford holl
dynyon y dayar. A mi a gigleu heb hi kyngor
yr Jdeỽon yn dyỽedut am·danaf. val hynn. Ar+
hoỽn ni yny vo marỽ yr honn a|ymduc Jessu
o nazareth. a lloscỽnn y|chorff hi. Ac vrth hynny
prydera ditheu am vyn diỽed ynhev. Ac odyna
dangos idaỽ y hamdo yr hỽnn y kledit hi yndaỽ.
Ar palym goleu a|gymerassei hi y|gann yr agel.
A dyscu idaỽ dỽyn y|palym o|vlaen yr elor pann
elei o|e chladu. Pa delỽ heb Jeuan y|gallaf|i vy
hun paratoi dy dived di. A|th arỽylant onny
deuant attaf yr ebestyl. An brodyr vrth wneu+
thur anryded y|th gorff di. Ac val y|dyỽeit ef
hynny. nachaf yr holl ebestyl gỽedy ry|gynnu+
llaỽ yr vn lle. Ac eu dỽyn yn|yr ỽybyr o|betyrvann+
noed byt yd oedynt yn pregethv yndunt. A|e
gossot yno ger bronn drỽs y|ty yd oed veir yn+
daỽ. ym|plith y|rei hynny yd oed paỽl yn neỽyd
dyuot y|gret. A gymerỽyt heuyt yr gỽassan+
naeth hỽnnỽ ef a|barnabas. Ac yna ymroessav