Breudwd Rhyddiaith Gymraeg 1300-1425
English

Rhydychen, Llsgr. Coleg yr Iesu 119 (Llyfr Ancr Llanddewi Brefi) – tudalen 58v

Ystoria Lucidar

58v

Nyt oes yn duỽ y|ryỽ gyffro hỽnnỽ. Megys y|dy+
ỽedir. ef a|varnn pob peth drỽy wastadrỽyd.
namyn pann varnner y|rei camgylus drỽy gy+
uyaỽnder y|kyuyrgollir ỽynt. A|ỽelir y|rei ysyd
yn diodef hynny y|vot ef yn llidiaỽc. A|uyd
amdiffynnỽyr y|rei gỽirion. neu guhudỽyr
ar y|rei drỽc y|kytỽybot. Y|baỽp y|dangossir
o oleuni y|groc. megys yd ymdengys yr heul
yr aỽr honn y|baỽp. Pa beth a|dyỽedir. Y|llyfrev
a|agoret. a|llyuyr y|uuched. ar meirỽ a|varn+
nỽyt drỽy y petheu a|oedynt yscriuennedic
yn|y llyureu. Y|llyureu yỽ y|proffỽydi. ar ebes+
tyl ar seint perffeith ereill. ar llyureu hynny
a|agorir yna kannys y|dysc a|e hangkreiffty+
eu a|vyd amlỽc yna y|baỽp. Ac yna megys y*
y|myỽn llyureu y|gỽyl paỽb peth a|dylyyssynt
y|wnneuthur. a|e ochel. llyuyr y|uuched yỽ bu+
ched Jessu. Ac yn hỽnnỽ megys y|myỽn llyuyr
y|darlle paỽb beth a|wellygyassant. neu a|wnna+
ethant o|r gorchymynnev. llyuyr y|uuched yỽ
grym dỽyỽaỽl. ac yno y|gỽyl paỽb ev kytỽybot
megys yn|yscriuennedic. Beth a|uyd yna yn
ol hynny. Gỽedy y darffo y|vraỽt. diaỽl yna a|e
holl gorff. Sef yỽ hynny yr holl rei ennỽir a
vyrir yg|karchar nyt amgen y|myỽn tan. a