Breudwd Rhyddiaith Gymraeg 1300-1425
English

Rhydychen, Llsgr. Coleg yr Iesu 119 (Llyfr Ancr Llanddewi Brefi) – tudalen 58r

Ystoria Lucidar

58r

o|e drycweithredoed. vrth y|rei hynny y|dyỽedir.
kilyỽch y ỽrthyf y|rei emelldigedic. kanny rodas+
saỽch ym vỽyt pann uu neỽyn arnnaf. na di+
aỽt ym pann uu sychet arnaỽ. Ac velle am bop
vn ohonunt val y lleill y|dyỽedit. Ac o|r geireu
hynny y|dangossir ym paham y kyfuargollir
ỽynt pann yỽ am|dremygu ohonunt prynv ev
pechodev o|e halussennev. A gỽybyd di na dyỽeit
ef. doỽch chỽi y|rei benndigedic. Ac eỽch chỽi a
mi ach emelldigaf. Namyn doỽch chỽi y|rei benn+
digedic. Ac eỽch chỽi y|rei emelldigedic. Pỽy
yntev a emelldigaỽd y|rei hynny. neu a|ymell+
digaỽd y lleill. Yr ysbryt glan beunyd drỽy e+
nev ketymeithon. Ac engylyon a venndicka
yr etholedigyonn. Megys y|dyỽedir. Benndige+
dic yỽch y|gann yr arglỽyd. Ac eilỽeith y dyỽeit.
benndith yr arglỽyd arnnaỽch. A rei drỽc a y*
ymelldicca drỽy eneu paỽb. megys y|dyỽedir.
Emelldigedic ynt y rei a|gilya y ỽrth dy|gymyn+
nedieu di. Pa delỽ y|barnn y seint ỽynt. Dangos
a|wnnaethant o|e gobrỽyeu na vynnassant
gannlyn y gỽeithredoed ỽy. nac geireu. Ac
vrth hynny bot yn teilỽng y poeni. A rei hyn+
ny a gynnhyrua yr arglỽyd ar lit. a|than e
ellỽg. A|uyd yn yr arglỽyd a|e llit. A|e kynndared.