Rhydychen, Llsgr. Coleg yr Iesu 119 (Llyfr Ancr Llanddewi Brefi) – tudalen 55r
Ystoria Lucidar
55r
yn|y kynnỽryf hỽnnỽ a uydant veirỽ. Ac yn|y
lle yd hatvyỽant. A hynny yỽ barnnv byỽ a
meirỽ. A gyfuyt y|rei a|uuant veirỽ yn|y mam+
ev. Y|saỽl a gymerth yspryt buchedaỽl a gyfuo+
dant. Pa oet pa vessur. Yn oet deg|mlỽyd ar|hu+
geint na chynt no hynny na gỽedy y buant
veirỽ. Ef a|damỽeinha weithev y|vleid yssu dyn
ar|y|drossi kic y|dyn yn gic yr bleid. Ac yssu o a*
arth y bleid. Ac yssu oleỽ yr arth. Pa delỽ y ky+
uodei o rei hynny. Yr hynn a|uu yn gic y dyn
a gyuyt. Ac a|berthyn ar|y bỽystuil a|dric yn|y
llaỽr. kannys ef a|wyr wahanu y|neb a|wybu
wneuthur pob peth o dim. vrth hynny na bỽyst+
uileit na physcaỽt. nac adar a|e hysso. paỽb a
ffuryfheir yn|y gyfuodedigaeth honno mal na
chollo vn blewyn o|e wallt. A ymchỽel y gỽallt
ar ewined o|e lle e|hun dracheuen. nev a|vydant
o|hynny dybryt. Nyt oes gallu dyall. a|ymhỽe+
lant ỽy yn|y hen lle gynt. namyn megys kroch+
enyd a|dorro llestyr neỽyd gantaỽ. Ac a wnel o|r
vn prid hỽnnỽ vn arall hep ystyraỽ pa le idaỽ
a uu glust. pa le a|uu waelot idaỽ. Velle y|ffuryf+
haa duỽ o|r vn defnyd corff anhebic yaỽn yr llall
kannys pell y|vrthaỽ vyd pob peth dybryt gỽann.
Ac agos idaỽ pob peth kyfuyaỽn. A thec. kanys
| « p 54v | p 55v » |