Rhydychen, Llsgr. Coleg yr Iesu 119 (Llyfr Ancr Llanddewi Brefi) – tudalen 53v
Ystoria Lucidar
53v
mod yd ystỽng y|tlodyonn idaỽ rac y|ofuyn
kannys y|kreulonder mỽyhaf a|wnna ef yr
neb a|gretto y|duỽ. O|r trydyd mod. ef a|tỽyll
ac a|darestỽng yr yscolheigyon idaỽ o|e doethi+
neb a|e huolder. kannys ef a|wybyd yr holl
geluydodeu. Ar ysgrythur yn vyuyr. O|r pe+
tweryd mod. ef a|dỽyll y|kreuydỽyr. o arỽy+
don. A gỽrthyeu. kannys ef a|wnna anryue+
dodeu arneigus megys peri tan o|nef y losci
rac y|vronn ef y|neb a|uo yn|y erbyn. a chy+
uodi y|meirỽ y|rodi tystolyaeth idaỽ. A|e ky+
uyt wyntỽy yntev yn wir. nac ef. namyn
kythreul o|e drycweithredoed a|gyrch y|myỽn
corff dyn emelldigedic. ac a|arỽein hỽnnỽ a*
amdanaỽ. A|dyỽedut drỽydaỽ megys y|gỽelit
y|vot yn|vyỽ herỽyd y|dyỽedir. Geuaỽc vyd
y|holl ỽeithredoed yn|y holl wyrtheu a|e arỽy+
don. Ac ef adeila o neỽyd hen gaerussalem
Ac yno yd eirch y|adoli yn wir duỽ. Ar Jdeỽon
a|doant o|bop mann o|r byt o|e derbyn yn anry+
dedus. Ac o|bregeth Ely ac enoc. a|ymchỽel+
ant ygristonogaỽl greuyd. a|phaỽp hayach
onadunt a|odeuant kreulaỽn verthyrolya ̷+
eth. Ym pa oet y|daỽ y|rei hynny. Yn|yr oet
y|kymerỽyt ỽynt o|r byt hỽnn. Ar anticrist
| « p 53r | p 54r » |