Rhydychen, Llsgr. Coleg yr Iesu 119 (Llyfr Ancr Llanddewi Brefi) – tudalen 52r
Ystoria Lucidar
52r
emeithonn yn trigyaỽ. Pann delont wy
hagen ygyt y|byd mỽy eu llewenyd. velle
y|mae eneideu y seint yr aỽr honn yn llyw+
enhav yn|y gogonnyant. Ac yn hir gann+
tunt amdanam ninhev. A phann gymeront
ev corfforoed a|dyuot paỽb ygyt. yna y kyme+
rant ev kyfulaỽn leỽenyd. Pa vn yỽ ty
duỽ. Ar pressỽyluaethev llaỽer. Ty duỽ yỽ
gỽelet duỽ dat holl gyuoethaỽc. Ac yn|y
gỽelet hỽnnỽ y llyỽennycha y seint megys
y|myỽn ty y|pressỽyluaev ar kyfuannhedev
yỽ amrauaelon lỽytheu. A|thaleu dros y|go+
brỽyev. A wybyd yr eneitev yr hynn a|wneler
yma. Yr eneitev kyfuyaỽn a|wybydant pob
peth o|r a|wnneler. yr rei hagen yssyd yn|y pur+
dan ny|s gỽdant onny|s menyc engylyonn
nev y seint vdunt. A|rei yntev ysyd yn vffe+
ernn nyt mỽy y|gỽdant beth yssyd yma.
noc y gỽdam nynhev beth a|wnneler yno.
megys y|bu gynt am|y proffỽydi. rei ohonunt
a|wybuant laỽer o|betheu. Ar ny wybu ere+
ill. Velle ym|plith y|rei drỽc y|mae rei a|ỽdant
y pethev ny|s gỽyr ereill. kanny wybydant
ỽy pob peth. A hynny a|venegir vdunt yn dỽy+
ỽaỽl. nev a|venyc dynyon a|vo marỽ vdunt.
| « p 51v | p 52v » |