Breudwd Rhyddiaith Gymraeg 1300-1425
English

Rhydychen, Llsgr. Coleg yr Iesu 119 (Llyfr Ancr Llanddewi Brefi) – tudalen 49v

Ystoria Lucidar

49v

Ac yn vdaỽ ac wylaỽ. ac yn ymffust. Y naỽuet
boen yỽ. kadwynev tanllyt yn rỽymỽyaỽ yr
holl aelodeu. Paham y|diodeuant ỽy y|saỽl dru+
eni hynny. Am wellygyaỽ ohonunt yg|kete+
meithas naỽ rad yr egylyonn. kyuyaỽn oed
eu poeni wyntev o|r kyfuryỽ naỽ poen hynny.
kannys yr rei a|ymlosges yman o·dan cam
chwant. yaỽn yỽ ev llosci wyntev yn|y tan
hỽnnỽ. ar neb a|sychaỽd yma o oeruel drycy+
oni. yaỽn yỽ ev kyruachu yno o|boennedic
oeruel. kannys ef a|dyỽedir odieithyr o|wres
y|tan yn gynn|wynnet ar hayarnn yn|yr ae+
lỽyt. Ac yn reỽi o|veỽyn megys pibonỽy. nev
iaen y|gayaf. Val y|dyỽedir. Wynt a|gerdant
o|dyfred gormod y|wres gormod. Ar nep y|bu
gynghoruynt. a|chas gantunt yma. megys
pryuet yn knoi. dylyedus yỽ bot pryuet yn
ev hyssu wyntev yno. Ac am digrifuaav o+
honunt yma o|dreỽant godineb. kyuyaỽn
yỽ bot dreỽant yn ev poeni yno yn agarỽ.
Ac am na mynnyssant kymryt cosp. na
phoen gyt a|dynyon yma. vrth hynny y|ffus+
tir wyntev. Ac ysgyrssev yno hep orffỽys
megys y|dyỽedir. paraỽt yỽ | y|bro+
dyev yr gwatỽarỽyr. y|guraỽ ac yrd kyrff