Breudwd Rhyddiaith Gymraeg 1300-1425
English

Rhydychen, Llsgr. Coleg yr Iesu 119 (Llyfr Ancr Llanddewi Brefi) – tudalen 42r

Ystoria Lucidar

42r

A|e o|e losgi. A|e o vodi. megys y|dichaỽn kyfulo+
gỽas drỽc haedu o|dryc deuodev dỽyn y|gyfloc
a|e yrru ymeith kynn o|r oet. Praỽ. duỽ a|duc
meibon yr ysrael o|r eifft y|rodi vdunt y|tir a+
daỽedic. Ac achos eu pechodev ny|s caỽssant.
namyn kynn ev dyuot yno y|dygỽydassant oll
yn|y diffeith. A|e pechaỽt yr braỽdỽyr poeni 
dynyon camgylus. pechaỽt onny|s poena. ka+
nys ef a ossodet yn dialỽr ennỽired. duỽ yn|y
lle hỽnnỽ. A|e pechaỽt yr gỽassannaethỽyr
dienydv y|rei camgylus gỽedy y harcho y|bra+
ỽdỽr. Nac ef. namyn ymolchi y|maent y|g+
ỽaet y pechaduryeit. Beth am|y rei a|dalyher
yna yn gỽnneuthur drỽc. Ac a|varnner y|di+
henyd. Ac yn|y pỽnc hỽnnỽ dyuot ediuarỽch
yndunt. A|oes o·beith y|rei hynny. Oes vn ma+
ỽr. kannys drỽy y|boen honno a|burheir me+
gys y|lleidyr yn|y groc. ereill a iecheir drỽy ỽe+
diev seint. Pa achos y|dysc y|meibon yn well
no|r hen dynyon. Am vot eu heneit yn neỽyd
yndunt yna. Ac yn llym y|bop peth. Y|rei hen
o|bennydyaỽ welet. a|chlyỽet a|vyd pỽl y|synn+
ỽyr. ac a|uyd tenev drỽy vedylyev llaỽer. ~
O ba le y|doeth yr arch ystauen pann yttoed
gỽyr babilon yn ryuelu ar garusalem. o or+