Breudwd Rhyddiaith Gymraeg 1300-1425
English

Rhydychen, Llsgr. Coleg yr Iesu 119 (Llyfr Ancr Llanddewi Brefi) – tudalen 41v

Ystoria Lucidar

41v

ar da a|ennillo o|dỽyll. a|threis. vn|funut ynt
gann duỽ. ar seint. a|dyn a|ladhei vn map ar+
glỽyd ygỽyd y|dat. ac a|delei a|e dỽylaỽ yn wa+
etlyt attaỽ. Paham na|chennhadaỽd duỽ y|dyn
gỽedy bỽyttao vn·weith. gallu bot hep vỽyt
ỽythnos. Neỽyn yỽ vn o boennev pechaỽt. a
dyn a greỽyt val y|gallei vot yn wynnvydedic
byth bei as|mynnassei. a|gỽedy dygỽydaỽ oho+
naỽ ny allaaỽd ymhỽelut onnyt drỽy lauur.
a|phei nao deuei yntev neỽyn. ac annỽyt. ac
agkymỽynnassei ereill ny lauuryei. Ac velle
ny deuei vyth yr deyrnnas. Ac vrth hynny duỽ
a|odefuaỽd neỽyn arnnaỽ megys y|bei dir idaỽ
lauuryaỽ. A gallu ohonaỽ o|r achos hỽnnỽ dy+
vot dracheuen. A|dyall di hynny. am|yr ethole+
digyon e|hun. kannys paỽb a|vyd yr poen y|rei
drỽc. A|oes teruynn am hoedyl dyn megys na
aallo vyỽ dros hynny. na marỽ kynn o|hynny.
Ef a|ossodes duỽ y|bop dyn pa hyt y|dylyho
vyỽ yn|y byt hỽnn. Ac ny dichaỽn nep vyỽ vn
voment hỽy no hynny. megys y|dyỽedir. ti
a|ossodeist y|teruynnev. y|rei ny aallant vynet
hebyaỽ. Ef a|dichaỽn varỽ hagen o laỽer o
ffyrd kynn noe deruyn. ac o|e lad ac aruev.
a|e o|vỽystuileit. a|e wennỽynyaỽ. a|e o|e grogi.