Breudwd Rhyddiaith Gymraeg 1300-1425
English

Rhydychen, Llsgr. Coleg yr Iesu 119 (Llyfr Ancr Llanddewi Brefi) – tudalen 40r

Ystoria Lucidar

40r

haa penyt. neu alussen onnyt edeỽir y|pechaỽt.
megys na rymhaa nep ryỽ vedyginyaeth y ia+
chav y|weli. A|e hayarnn y|myỽn. yny tynner
yr hayarnn allann. Velly ny rymhaant yr holl
weithredoed da. onnyt ymedeỽir ar pechaỽt.
kannys pỽy|bynnac a|wnel pechaỽt. y|mae yn
gaeth y bechaỽt. Ac ny dichaỽn nep rydhav ca+
eth arall. A dal dim y|rei drỽc wnneuthur da.
Ef a geiff pob dyn tal am pob peth da o|r a|wnnel+
ont a|e yma a|e yn lle arall. wynt a|e caffant
yn|y byt hỽnn. megys y|dyỽedir. am|y kyuoeth+
aỽc gynt. ti a|gymereist da yn dy|vyỽyt. Rac llaỽ
ỽynt a|e caffant megys y|dyỽedir. chỽi a|e keffỽch
ar|y gannvet. Velle ygỽrthỽynneb y|hynny am
pob drỽc a|wnnel dyn. ef a|dielir. a|e yma a|e
rac llaỽ yn lle arall. megys y dyỽedir. Ny byd
dim di·dial o|r drỽc ger bronn duỽ. Vrth hynny
gỽnaet dyn vn o|deu. A|e boeni e|hun yman gann
bennydyaỽ. a|e godef yntev y|gann duỽ barnnv
arnaỽ gann y boeni. Paham y kennhadaỽd duỽ
yr ideỽon aberthu kyureithaỽl pryt nat ymỽ+
erentynt o|e pechodeu rac aberthv ohonunt
yr geu dỽyeu. Ar deuaỽt honno a|dysgessynt
ỽy yn|yr eifft pann yttoedynt yno. Ac eebre*+
vygv y deuaỽt honno onadunt. y|duc yr ar+