Breudwd Rhyddiaith Gymraeg 1300-1425
English

Rhydychen, Llsgr. Coleg yr Iesu 119 (Llyfr Ancr Llanddewi Brefi) – tudalen 36r

Ystoria Lucidar

36r

holl dynyaỽl genedyl y|karyat y·rygtunt.
Pa delỽ y|proui di nat pechaỽt priodi karesseu.
ponyt kennat y deu uroder priodi y|dỽy chỽior+
ed. kannyat. Chỽaer vygwreic. i. a|uyd ka+
res ymi o|e gỽaet hi. Elchỽyl vy|mraỽt yn+
hev a|uyd kar ym gỽreic ynhev. drỽy vygỽa+
et ynhev. Os pechaỽt hynny weithon herỽ+
yd annyan. paham y|gymyrth vy|mraỽt. i.
vyg|kares. i. a|e gares yntev. vrth hynny he+
rỽyd annyan nyt oes yno pechaỽt. herỽyd gỽ+
ahard hagen y|mae yn orthrỽm. nys dylyaf.
Pa delỽ y|gỽeherdir kymryt y|mammev bedyd
nev y|merchet bedyd. megys y|dyỽetpỽyt vch+
ot gynnev. herỽyd annyan nyt pechaỽt. namyn
herỽyd gỽahard. megys y|mae dy wreic di
yn vam y|th vap herỽyd knaỽt. Velle y|mae
yr honn a|e kymerth ef o|r dỽfuyr bedyd. a|uyd
mam idaỽ herỽyd yspryt. Ac velle y|mae hon+
no yn chỽaer y|th wreic di. A|th verch vedyd
a|uyd chỽaer y|th verch dithev. Ac velle o|dry+
cheuy dithev verch y arall. ti a vydy vraỽt o|e
that. Ac velle nyt kannyat y|neb kymryt y
dỽy chỽiored. nac y wreic kymryt y|deu vro+
der. Ac velle drỽy rinỽed eglỽyssic y|gỽeherdir
y|kyfuryỽ priodas honno yn|gỽbyl. Ac yn hollaỽl.