Breudwd Rhyddiaith Gymraeg 1300-1425
English

Rhydychen, Llsgr. Coleg yr Iesu 119 (Llyfr Ancr Llanddewi Brefi) – tudalen 35v

Ystoria Lucidar

35v

Yscriuennedic yỽ. nyt argyỽeda yr tat ennỽi+
red y|mab. nac yr mab ennỽired y|tat. onny
chyt·synnyant baỽp onadunt a|e gilyd. megys
nat argyỽedaỽd Jiosuas bot y|tat gynt yn
drỽc kynn noc ef. na|e vap yn da wedy ef.
kanny chyt·synnyaỽd ac ỽynt. kannys o|chyt+
synnya y|ryeni ar plant. ar meibon aryeni
am ev drỽc e|hunein. yna yd|aant yg|kyfyrgoll.
Am priodas aghennadedic. A|e gorthrỽm priodi
kares. Nac ef herỽyd annyan. herỽyd hagen
gossot yr eglỽys maỽr yỽ. Pa delỽ y|proui di
hynny. Nyt bỽyta yr aual a|uu drỽc. a|phech+
aỽt. namyn y|vỽyta yn erbyn gorchymun 
duỽ a|uu vỽyhaf y|pechaỽt. Paham y|kymerth
y|tateu gynt y karessev. Ny charei y|gỽyr gynt
onnyt eu ketemdeithon megys y|dyỽedir.
kar dy gedymdeith. A chassaa dy elyn. Ac vrth
hynny y|dugant merchet y karant megys y
gellynt y karu. A|nini a|dylyỽn karu yn gel+
ynnyon. megys y|dyỽedir. kerỽch ych|gelynny+
on. A|channys y|gỽaet a|gymell karu y|karant
y|gossodes yr eglỽys drỽy yr yspryt glan ky  ̷+
mryt merchet yr estron nyon. megys y|bo
gỽreicvrom ni ar est ronyon yn rỽym
karyat. ac o|hyn ny y lletta drỽy yr