Breudwd Rhyddiaith Gymraeg 1300-1425
English

Rhydychen, Llsgr. Coleg yr Iesu 119 (Llyfr Ancr Llanddewi Brefi) – tudalen 32v

Ystoria Lucidar

32v

duỽ y|hyechyt ynn frỽythlonnach a|wnnant.
A rei drỽc a|greỽyt o achos yr etholedigyonn.
Ac y wnneuthur da onadunt o achos y|rei
drỽc. Ac o|e hemendenav o|e gwydyev. megys
y|boent gogonedus o|welet y|lleill. A|phan wel+
hont y lleill yn|y poennev mỽy vyd ev lleỽenyd
vyntev o|e diang. A chyfuyaỽn yỽ y|rei drỽc o|e
hachos e|hunein mynet yg|kyfuyrgoll. kanys
o|e bod e|hun y|deỽisassant y|drỽc. Ac y karant.
Ac ỽynt a|vynnynt y|byỽ yn dragyỽyd. Paham
y|gat duỽ yr etholedigyonn bechv. Y|dangos
meint y|drugaret vrthunt. A|vydant jach yr
etholedigyonn onny lauuryant. Wynt a gaff+
ant y deyrnnas drỽy wediev nev drỽy lauury+
ev megys y|dyỽedir drỽy laỽer o drallodeu y
mae reit yny dyuot y|deyrnnas duỽ. kannys
y|rei bychein drỽy chỽerỽed anghev a|deuant
yr nef. A rei oedaỽc drỽy lauur. kannys yscri+
uennedic yỽ. yn ty vynn|tat i y|mae llaỽer o
gyfuanhedev. A|phaỽb a|geiff y|pressỽyluot he+
rỽyd y briaỽt lauur. Ar mỽyhaf y|lauur vch+
af vyd y|le. ar lleiaf y|lauur yssaf vyd y le.
Ac ny dichaỽn nep lauuryaỽ mỽy noc a|dan+
gosso dỽyỽaỽl rat idaỽ. Ac ny cheiff amgen
bressỽyluot noc a|rac·welas duỽ idaỽ kynn