Breudwd Rhyddiaith Gymraeg 1300-1425
English

Rhydychen, Llsgr. Coleg yr Iesu 119 (Llyfr Ancr Llanddewi Brefi) – tudalen 28r

Ystoria Lucidar

28r

wyntev yn|y drỽc. Y|tryded achos y|gospi onadunt
yr etholedigyon. Ac o|e emendanav o|e drycweith+
redoed. Odyna yach vyddant. megys na synny+
ant yma boen ygyt a dynyon. Y|rei yt lysc gor+
thrymaf dolur rac llaỽ. Y rei gỽiryonn a|uyd eis+
seu. Ac amarch. A|heint arnunt yman. rac y|di+
griffhav myỽn pethev drỽc. Ac y|dilev o|r|gỽneynt
beth yn erbynn duỽ. Ac onny|s gwnelynt. y|gaffel
tal y|gann duỽ dros eu hanmyned. Paham yg
gwrthỽynneb y|hynny y|byd kyfuoethaỽc y|rei
da. A chadarnn. A Jachus. A rei drỽc yn dlodyonn
Ac yn wann. Ac yn heinus. Y rei o|r etholedigyon
y rodir goludoed vdunt y allu cỽpplav o|e da eu
gweithredoed da a vynnynt y|wnneuthur. Ac y
dangos vdunt os esmỽyth yma y|da amseraỽl.
y mae es·mwythach o laỽer da tragyỽydaỽl. ka+
darnn vydant. yn gynntaf o|e hachos e|hun y
allu kỽpplav yr hynn a|veddylyont. Ar eil peth o
achos yr etholedigyonn y allu rodi amdyffynn
vdunt ar da. Ar trydyd peth o achos y|rei drỽc.
y allu eu gostỽng. rac gwnneuthur onadunt
kymeint ac a|vynnont. Jach vydant. rac tristav
y|rei gỽiryon oc ev klefuyt. Ac y llawennhav
oc ev hyechyt. Yggwrthỽynneb y hynny. Nep
rei drỽc a boenir yman. o eissev. A|thrallaỽt. A