Breudwd Rhyddiaith Gymraeg 1300-1425
English

Rhydychen, Llsgr. Coleg yr Iesu 119 (Llyfr Ancr Llanddewi Brefi) – tudalen 27r

Ystoria Lucidar

27r

ar ennỽired. Y|rei hynny y|llittya duỽ vrth·unt.
Ac ny venyc y gỽas fford yr mab a|vo ar|gyfue+
ilornn y|dyuot at y|dat. Ac odyna yd ymhỽel
ef o|e weith. Velle y|tynn y|rei drỽc. etholedigy+
on krist at duỽ. Ac yd ymhoelant wyntev ar
y dryc lauuryev. A megys y dỽc ofuyn. karyat
yr teyrnnas. Ac nyt aa ef e|hun. Velle wyntev.
A|megys y|gỽassannaeth diaỽl y|duỽ. Velle y|gỽas+
sannaetha y aelodeu yntev yr etholedigyonn.
Pa delỽ y gỽassannaetha diaỽl y|duỽ. Am tremy+
gu ohonaỽ. Ac ef yn|dyỽyssaỽc gogonedus. Po+
nyt ym|plas y|nef y gỽnnaeth duỽ yntev. me+
gys gof llafuuryus yn|y byt hỽnn. A|e gymell
ef yn gaeth y wassannaethv o|e holl nerthoed.
megys y|dyỽedir. Mi a|th wnnaf yn ỽas caeth
yn dragyỽyd. Einon y|gof hỽnn yỽ poen. a|thra+
llaỽt. Y|veginev. A|e yrrd yỽ prouedigaeth. Y lif+
uyev ynt. tauodev y|gogannỽyr. Ar ymgeinva+
ev. Ac ar y|peiryannev hynny y|purhaa ef llestri
evreit y brenhin nefaỽl. Sef yỽ hynny. yr ethole+
dygyonn y|rei a|atneỽydha ef trỽy y|purdan ar
lun duỽ. Y rei drỽc a|boenha yntev mal y|poenha
y gelyn y llall. Ac velle y gwassannaetha diaỽl
y duỽ. Pa delỽ y gỽassannaetha y|aelodev ef y|rei
etholedigyonn. pann dyckont yr deyrnas drỽy