Breudwd Rhyddiaith Gymraeg 1300-1425
English

Rhydychen, Llsgr. Coleg yr Iesu 119 (Llyfr Ancr Llanddewi Brefi) – tudalen 22r

Ystoria Lucidar

22r

gỽironed. Y clustev ynt. y|rei a|warandaỽont.
Y ffroennev yỽ. y|doethon doosparthus. Y|glỽly+
bỽr a|vyrir ymeith o|r|ffroennev ynt. y|dynyon
a|chamgret gantunt. a|vyrir trỽy varnn y|doe+
thon o benn krist. Y danned ynt ysponỽyr yr ys+
crythur lan. Y|dỽylaỽ ynt. Amdiffynnỽyr yr
eglỽys. Y|traet ynt. y|llauuryỽyr yssyd yn porthi
eglỽys duỽ. Y deil ynt. y|treissỽyr yssyd yn gor+
thrymv dynyon gwiryon. Ac a|vyrir allan o
groth yr eglỽys. o|e llyngku o|r diefuyl ỽynt
drỽy eissỽet ac anghen megys y|llỽngk y|moch
y|ssoec. Ar|budred. Ar corff hỽnnỽ a gyssylltit
ygyt yn vn. o ysgraỽling karyat am gorff
krist. Paham y|gwnneir y|gorff ef o|r|bara. A|e
waet o|r gwin. Y gorff ef a|wneir o|r bara. am
ry|dyỽedut o·honaỽ. bara byỽ wyf|i. Y gỽaet
yntev o|r gỽin. am|ry|dyỽedut ohonaỽ. Gwir
winỽyden wyf|i. A megys y|megir y corff o|r bara.
Velly y porthir yr eneit o|vỽyt nefaỽl. A megys
y|gwnneir y|bara o|r graỽnn llaỽer. Velly y|kyn+
nullir corff krist o|laỽer etholedigyonn. A|me+
gys y berwir y bara o|nerth y|tan. velle y pobet
krist y myỽn tanllỽyth y|diodeifueint. Ar bara
hỽnnỽ a|dyỽedir y|vot yn gic o achos y aberthv
drossom ni megys oen. A|megys yd|hidlir y|gwin