Rhydychen, Llsgr. Coleg yr Iesu 119 (Llyfr Ancr Llanddewi Brefi) – tudalen 141r
Gwlad Ieuan Fendigaid
141r
yn|y ỽlat honno vrth geissaỽ y|mein megys y gallon
vot yn vyỽ dan y|dỽfyr tri mis neu pedỽar. Y parth
draỽ yr auon veinaỽc honno. y|mae dec llỽyth o|r
ideỽon. kyt tebyccont ỽy eu bot yn vrenhined.
eissoes keith ym ynt ỽy. a threthỽyr yn arderch+
ogrỽyd ni. Y myỽn brenhinaeth arall yni. gyr
llaỽ y|lle y byd yr ynys y|mae pryfet a|elỽir yn yn
ieith ni Salamandre. Ar pryfet hynny allan vot ny
yn vyỽ namyn y|myỽn tan. A chrỽyn a|uyd yn ev
kylch megys crỽyn y|pryfet a|ỽna y|sydan. a|nyd+
du y|rei hynny yỽ gỽeith arglỽydesseu yn llys ni.
Ac o hỽnnỽ y|gỽneir pob ryỽ aruer yn yn arder*+
chrogrỽyd ni. ar dillat hynny ny ellir eu golchi
namyn y|myỽn tan maỽr kadarnn. Yn eur ac
aryant a mein gỽerthuaỽr. a|dromedaryeit. A|ch+
ameleit y|mae amylder yn eglurder ni. ny byd
ychennaỽc neb yn yn plith ni. Dyn got ny cheffir
yno. paỽb o|dynyon gỽlat arall. nyt amgen. gỽ+
esteion. A|phererinyon a|eruyll yn ynaỽster ni.
lleidyr. na|threissỽr. nac aghaỽr ny cheffir yn yn
plith ni. nyt oes neb ryỽ gynghoruynt yn yn
plith ni. amylhed o|pob ryỽ oludoed ysyd yn dy+
nyon ni. nyt amyl meirch yn plith ni. a|meirch
dielỽ vydant. ny|thebygỽn ni neb ar|y|dayar ky+
ffelyb a|ni o oludoed. Ban elom ni a|ryfel yn llu+
| « p 140v | p 141v » |