Breudwd Rhyddiaith Gymraeg 1300-1425
English

Rhydychen, Llsgr. Coleg yr Iesu 119 (Llyfr Ancr Llanddewi Brefi) – tudalen 140r

Gwlad Ieuan Fendigaid

140r

ohonei allann. Pỽy|bynnac a|yfo o|dỽfyr y|ffynnaỽn
honno teir·gỽeith ar|y gythlỽng. ny daỽ kleuyt
idaỽ allann o|r dyd hỽnnỽ. Ac yn dragyỽyd y|byd
yn oedran deg|mlỽyd ar|hugeint. Yno heuyt y
mae mein a elỽir Midiosi. A rei hynny yn vyny+
ych a|dỽc eryrot parth ac attam ni. a|thrỽy y|rei
hynny yd atuyỽockaant hỽy. Ac y caffant y|lleu+
fer gỽedy as collont. Pỽy|bynnac a arỽedho y
maen hỽnnỽ ar|y laỽ. ny diffyccya lleufer vyth
idaỽ. Ac o|r mynn ymgelu. ef a|ỽna na|s gỽelho
neb. ffo cas a|ỽna y vrth baỽp. ac annoc kyfun+
deb. a gỽrthlad kyghoruynt. llyna heuyt beth ry+
ued ysyd yn gỽlat ni ygyt a|phetheu ereill. ~
Mor tyỽaỽt ysyd yno ar gro yn kerdet heb dỽ+
fyr. Ac ef a leinỽ yn tonnev megys mor arall.
Ac ny orffỽys vyth. ny ellir vynet arnnaỽ ar
veis. nac o vn ỽed arall. na phy|ryỽ tir ysyd o|r
parth draỽ idaỽ. ny ellir o vn fford y ỽybot. ef
a geffir hagen y|parth attam ni amryuael ge+
nydyl o byscaỽt kyfelysset. A chystal ac na ỽelas
dyn eiroet eu kystal. Y mae heuyt ar ymdeith
tri diỽarnnaỽt o|r mor hỽnnỽ. ryỽ vynyded y
daỽ auon ohonunt o vein. A hynny yn redec me+
gys dỽfyr. A|thrỽy yn|tir ni y|ret hyt y|mor tyỽ+
aỽt. Ac gỽedy el yr auon yn|y mor y|difulanna