Breudwd Rhyddiaith Gymraeg 1300-1425
English

Rhydychen, Llsgr. Coleg yr Iesu 119 (Llyfr Ancr Llanddewi Brefi) – tudalen 139r

Gwlad Ieuan Fendigaid

139r

Satiri. A|gỽraged. o|r vn ryỽ genedyl a|honno. Pig+
mei. cenofali. keỽri a|deugein kufyt yn|y huchet.
dynyon vnllygeidaỽc. A ciclopes. Ar ederyn a elỽ+
ir ffenix. A hayach hollre genedyl anifeileit o|r
ysyd ydan y|nef. Amylhed ysyd yn yn|tir ni o|laeth
a mel. Yghyfeir arall yn yn|tir ni nyt argyỽeda
neb ryỽ wenỽyn. ny chrogleissa llyffan. ny chỽiba+
na seirff y|myỽn llysseu ny aallant anyueileit
gỽennỽynic pressỽylaỽ yno. na gỽneuthur ar+
gyỽed y|neb. Ym|plith y|ryỽ genedyl a|elỽir y pa+
gannyeit drỽy neb vn vrenhindref yni. y kerda
auon a elỽir idon. Ar auon honno ỽedy del o pa+
radỽys a gerdha yn aflev drỽy y|vrenhinaeth
honno oll o amryfyal gerdedeu. Ac yno y keffir
mein anyanaỽl. a llyma eu henỽeu hỽy. Smarag+
di. Saphir. Carbunculi. topazion. Crisoliti. O+
nichini. berilli. A metisti. Sardine. A llaỽer o|vein
gỽerthuaỽr ereill. Yno y genir y|llysseỽyn a|elỽ+
ir affidos. pỽy|bynnac a arỽedho gỽreid y llysse+
ỽyn hỽnnỽ gantaỽ. ef a|ffy yr ysprydoed drỽc y
vrthaỽ. Ac a|gymell arnaỽ dyỽedut pỽy vo. a
phỽy y enỽ. Ac vrth hynny ny leueis yr yspry+
doed drỽc yn|y lle hỽnnỽ llygru neb. Ymbren+
hinyaeth arall yni y|tyf yr holre pybyr. Ac y
kynullir. Ac y kyfneỽidir ỽynt yr gỽenith. A