Breudwd Rhyddiaith Gymraeg 1300-1425
English

Rhydychen, Llsgr. Coleg yr Iesu 119 (Llyfr Ancr Llanddewi Brefi) – tudalen 132v

Breuddwyd Pawl, Epistol y Sul

132v

colli y|waet yn wiryon yr caryat ar gristono+
gyonn. nynhev a|dylyhem haeddu y|vodyant ef
val y|caffem buched tragyỽyaỽl* yn teyrnas gỽlat|nef.
*Llyma yr achos y|deuth bar duỽ yn|ych plith. A
methyant ar ych llauur ac arvedỽch o|da. Ac y
daỽ pobyl y|pagannyeit y|dodi ych kyrff yn achu+
baỽl geithiỽet. o achaỽs na chedyỽch dyỽ sul sante+
id bendigedic. yamh laant ych plith kribdeiledi+
gyon vleidev. A|chỽn kynndeiraỽc. ỽynt ach sodd+
ant yn dyfynnder gofuut. A minhev a|ymhoelaf
vy|ỽyneb y|ỽrthyỽch ac y|ỽrth ych tei o|r a|ỽnaeth
ych dỽylaỽ. Pob kyfuryỽ drỽc o|r a|ỽnaethaỽch yn
erbyn vy santeid eglỽys. i. Mi a|e dialaf. am ach
rodaf yn oresgynn alldudyon. ac ach sodaf me*+
gy y|sode t gynt. Souir ac ovir. a|lynkỽys y|day+
ar ỽynt yn vyỽ am|y pechodev. A|phỽy|bynnac a
dramỽyho y|le amgen. yn dyd santeid sul noc ym
heglỽys i kanys ty o|wedi yỽ. nev y|pererindodev
seint. nev y ofuỽy kleifon. nev y|agklad meir
nev y|tagnouedv rỽg digassogyon. A|ỽnel amgen
o|ỽeith yny. megys eillyaỽ gỽallt nev varveu.
nev y kneifaỽ. nev olchi pennev. neu dillat. nev
bobi bara. neu ỽeith arall gỽahardedic gann yr
eglỽys catholic yn dyd arbennic sul. Ny|chaffant
gann duỽ yn dyd nac yn nos ysprydaỽl vendith.

 

The text Epistol y Sul starts on line 4.