Breudwd Rhyddiaith Gymraeg 1300-1425
English

Rhydychen, Llsgr. Coleg yr Iesu 119 (Llyfr Ancr Llanddewi Brefi) – tudalen 12r

Ystoria Lucidar

12r

dyn. Yn ebronn. yn|y lle y|bu varỽ. Ac y klad+
dỽyt wedy hynny. Ac odyna y|gossodet ef y
paradwys. Pa|ryw|beth yỽ paradwys. nev pa
le y|mae. Y|lle teckaf yw yn|y dwyrein. yn|yr
hwnn y|gossodet amrauaelyon genedyloed o|r
gwyd. yn erbyn amrauaelon diffygyev. Megys
bei bỽyttaei dyn o|phrỽyth y|ryỽ brenn yn|y
amser. ny bydei newyn arnaw o|hynny allan.
Ac o arall o|bwyttaei ohonaỽ ny bydei sychet ar+
naỽ. O arall. ny vlinhaei vyth. O arall. ny hen+
haey vyth. Ac yn|y diwed yr hỽnn a|vwyttaey
o brenn y|uuched ny chleuychey vyth. Ac ny
bydhey varỽ vyth. Pa|le y kreỽyt gwreic. ~
Ym|paradwys. o ystlys gwr ac ef yn kyscu.
Paham o|r gỽr. Megys y|bydynt vn gnawt. Ac
vn vedwl drwy garyat. Pa|ryỽ gyscu oed hỽn+
nỽ. llewyc ysbrydawl. kannys duỽ a|e duc o
baradỽys nefaỽl yn|y lle y dangosset idaỽ y|ge+
nit krist. ar eglwys ohonaỽ. Ac yn|y lle pann
deffroes. y|proffỽydaỽd ef ohonunt wy. Pa+
ham na chreaỽd duỽ yr|holl etholedigyonn
ygyt megys y|kreỽyt yr engylyon oll. Duỽ
a|vynnaỽd vot dyn yn|gyffelyb idaỽ e|hun.
A|hynny yr|geni yr holl dynedon y|gann adaf.
megys y|ganet pob peth y gann duỽ. Paham