Breudwd Rhyddiaith Gymraeg 1300-1425
English

Rhydychen, Llsgr. Coleg yr Iesu 119 (Llyfr Ancr Llanddewi Brefi) – tudalen 121v

Pa ddelw y dylai dyn gredu i Dduw

121v

Ac decuettyd gỽedy hynny yd anuones yr yspryt
glan ar y ebestyl a|e disgyblonn a|oedynt ygyt
yg|kaerussalem. Credu yr iessu grist hỽnnỽ ro+
di medyant a gallv yr ebestyl. a|thrỽydunt
ỽyntev y vrdolyonn preladyeit yr eglỽys y
gaethav. Ac y|rydhav eneidev y|pobloed o|bop
ryỽ pechaỽt ar a|vei arnunt. A hynny trỽy
rinỽedev yr eglỽys. Credu dyuot paỽb yn|y
gnaỽt. a|e dyuot rac bronn crist dydbraỽt. ac
yna barnnv ar baỽp herỽyd y weithret pria+
ỽt. A rodi nef yn tragyỽydaỽl yr saỽl a|e|hae+
do. Ac a|e gobrỽyho. a|phoennev vffernn yr|saỽl
GWedy cretto dyn yn ffydlaỽn y [ a|e haedho.
duỽ trỽy y|pynckev hynn. haỽd vyd gantaỽ
garu duỽ. A|llyma val y|dyly ef y|garu. Dyn a|dy+
ly carv duỽ yn voe noe eneit e|hun a|e gorff.
Ac yn voe no dyn o|r byt oll. Ac yn voe no da
pressennaỽl y byt oll. megys y|bei ỽell gann dyn
colli da pressennaỽl y|byt oll. A cholli kedymeith+
as dynyon y|byt oll. A|diodef pob ryỽ argyỽed.
a thremyc o|r a ellit y|wnneuthur ar y|gorff. A
diodef pob ryỽ aghev  gỽaradỽydus no gỽneu+
thur pechaỽt marỽaỽl. nev godi duỽ o|e|vod.
nev dan ỽybot idaỽ. Guedy duỽ. dyn a|dyly caru
y|eneit e|hun yn voe no dim. A|guedy y|eneit e|hun