Breudwd Rhyddiaith Gymraeg 1300-1425
English

Rhydychen, Llsgr. Coleg yr Iesu 119 (Llyfr Ancr Llanddewi Brefi) – tudalen 118r

Ystoria Adrian ac Ipotis

118r

bod y|duỽ. Y trydyd pỽnc yỽ. dyn a|hanffo o vreint
a|boned ac a|uo goludaỽc. ymadaỽ ohonaỽ o ennill
bydaỽl. A|digrifuỽch knaỽdaỽl. hỽnnỽ a|geiff y
ymosmeithaỽ yn|y nef. Dyỽet ym vab heb yr am+
heraỽdyr os gỽybydy. py ham y|mae yaỽnach vn+
prydyaỽ duỽ gỽener. no diỽarnnaỽt arall o|r ỽyth+
nos. Y mab a|dyỽat. y|mae tri achos ar|dec. kyntaf
yỽ ohonunt. Dyỽ gỽener y gỽnaeth duỽ adaf yn|yr ynys a|el+
ỽit ebron. Ac a|e llunyaỽd ar|y|delỽ e|hun. Yr eil yỽ;
duỽ gỽener y gyrrỽyt adaf ac eua o|baradỽys y|ỽa+
elaỽt vffernn. Y|trydyd yỽ. duỽ gỽener y lladaỽd
kayn abel y vraỽt. y|merthyr kynntaf a|verthyr+
ỽyt yr karyat duỽ. ac am hynny y kauas kayn
emelldith duỽ. Y pedỽeryd yỽ. dyỽ gỽener y|deuth
gabriel angel yn gynnat at veir pann disgynnaỽd
brenhin nef yn|y bru. A chymryt knaỽt heb gyt+
gỽr. Y hỽechet yỽ Y pymhet yỽ. duỽ gỽener y bed+
dydyỽyt iessu grist. y|sehỽechet* yỽ. dyỽ gỽener
y|merthyrỽyt ystyphan verthyr o|gyghor erodyr
creulaỽn. Y seithuet yỽ. dyỽ gỽener y lladỽyt
penn Jeuan vedydỽr. Y|wythuet yỽ. dyỽ gỽener
y|diodefuaỽd iessu ym|prenn croc yr|rydhav pobyl
y|byt o boenev vffernn. Naỽuet yỽ. dyỽ gỽener
y|diodefuaỽd meir anghev ac yd aeth y hyspryt
at y hvn mab y laỽenyd nef. Decuet yỽ. dyỽ gỽener.