Breudwd Rhyddiaith Gymraeg 1300-1425
English

Rhydychen, Llsgr. Coleg yr Iesu 119 (Llyfr Ancr Llanddewi Brefi) – tudalen 117r

Ystoria Adrian ac Ipotis

117r

Pỽy|bynnac a|uo gantaỽ ieith eglurda. A|e alon yn
mynnv dial arnaỽ. ef a|digaỽn o synnỽyr ieith
dec. o|e elyn gỽneuthur y|getymdeith. Velle o|vn
gỽeithret gobrỽyaỽl y|dichaỽn dyn ennill truga+
red nef. Am dyỽedyd vab heb yr amheraỽdyr. py
saỽl aghev a|daỽ y|dyn. y|mab a|dyỽat y|mae tri
aghev. kyntaf o·honunt yỽ aghev bydaỽl knaỽ+
daỽl. a|ỽahanaa y corff ar eneit. yn gadarnn. ac
yn ffyryf. Yr eil yỽ. aghev kyỽilydyus. Sef yỽ
hynny. dyn a|uo marỽ y|myỽn dylyet gofuudyus
nev honedigaeth drỽc oganus. Y|trydyd agheu
yỽ. aghev a|del yr|neb ny chaffo gyfurann o|ỽeith+
redoed iessu grist kynn gỽahanv y corff ar eneit.
o|r|byt yma. heuyt y|govynnaỽd yr amheraỽdyr
yr mab. py saỽl pechaỽt heb y kyffessu tu ac ar
duỽ a|dỽc dyn heb gaffel madeueint nefaỽl. y|mab
a|dyỽat y|mae deu bechaỽt. Vn ohonunt yỽ kam+
gret. na chretto dyn yn ffydlaỽn diskyn iessu grist
ymrv yr arglỽydes veir hep gytknaỽt ac vn gỽr.
A|e eni yn dyn a|bot meir yn vorỽyn kynn escor. A
gỽedy escor. A chredu idaỽ diodef ym|prenn croc
yr prynv plant adaf o|boenev vffernn. a|e gych+
ỽynnv o|veirỽ yn|vyỽ y|trydydyd. A gỽedy hynny
ysgynnv ar|nefoed. A|e vot yn eisted ar deheu duỽ
dat hollgyfuoethaỽc. Ac ar ny chretto y hynny;