Breudwd Rhyddiaith Gymraeg 1300-1425
English

Rhydychen, Llsgr. Coleg yr Iesu 119 (Llyfr Ancr Llanddewi Brefi) – tudalen 116r

Ystoria Adrian ac Ipotis

116r

y|gallont vot. A|than gỽyllt yn llosci a gyfuarcho
ac ef. kynnhebic yỽ chỽant bydaỽl y|olỽyn benn.
Gỽr yn|y ieuegtit yn ennill campev a|chlot. Ac
yn ymrodi oll y|gyghoruynt a chỽant kennvigenn.
A heuyt am hanner y|oes na pheidei yna. namyn
y|threulaỽ velle hyt y|diỽed. yn diheu ony pheit.
ef a a y eneit yr poenev. O achas kyghoruynt
hỽenychaỽl nyt oes ben benn idaỽ mỽy noc y|olỽ+
yn. kam·syberỽyt ysyd aruthyr drỽc. balch syỽ ac
a gollassant yr egylyon teckaf a|oedynt yn|y nef
ac egluraf. ac adỽynnaf o achos y kamsyberỽyt
lleỽenyd nef. A|e diheinyaỽ yn gythreulic gofut*+
dron yn vffernn. Ac ettỽa y|maent rei ohonunt
ym|plith y|dynyon bydaỽl yn|y troi y|ar y|hyspry+
dolyon vedylyev y|ymrỽymaỽ y|myỽn pechodeu
marỽaỽl. Ac o achos hynny kyffessa di gam sy+
berỽyt. Pann vo dy anustyr gorff yn|y dayar yn
gudyedic. Ar pryfuet yn bỽytta dy ystlysseu. a|th
knaỽt a|ry|uuassei ryvygus. A|th eneit yn rỽyme+
dic ovudyus. Ac yna y|gelly ti vot yn ofualus o
vot eiroet kamryuyc y|th gallonn. kanys ffieid+
daf pechaỽt yg|kyureith duỽ yỽ kam·syberỽyt.
Godineb yỽr gỽaethaf vch y|dayar o|r pechodev
ac amrypheida. Ef a|debic hokrellỽr godinebus na
anet ar eilvn dyn. neb kyn|dygrifet a|chygampus+