Rhydychen, Llsgr. Coleg yr Iesu 119 (Llyfr Ancr Llanddewi Brefi) – tudalen 113v
Ystoria Adrian ac Ipotis
113v
gallonn. ac yn|y vedỽl o|dyỽedut anosparthus
eireu heb dyall heb synnhỽyreu yndunt. ar
neb a|uo ragor yndaỽ o|defnydyeu yr aỽyr
herỽyd anyan doeth vyd a|gỽar y|geir a|gỽei+
thret canmoledic. Ar neb a|uo ragor yndaỽ o|r
heul. aruthyrgryf ac amhỽyllic vyd a gỽressa+
ỽc ymyscaỽn ac efuriuet herỽyd anyan. Ar
hỽnn a|uo yndaỽ ragor o|defnyd y|maen. ef a|uyd
gỽastadaỽl y|vedỽl. diogel yn trafael. kyỽeir
y|geir a|gỽeithret. a|gỽrdlasliỽ y|gnaỽt. Ar|neb
a|hanffo vỽyhaf yndaỽ o defnyd y|gann yr ys+
pryt glan. ef a|uyd kyfulaỽn y gallonn o|ved+
dỽl da. a geir prud. a gỽeithret da kyfuyaỽnn.
tlaỽt. a noeth. a charu duỽ a|gỽneuthur am+
ryuaelon benydyeu. Yr amheraỽdyr a|ovynn+
haỽd yr mab py|beth oed mor. y|mab a|dyỽat
y|mae fford ỽylltueith y|cherdet. ti a|elly vynet
yndaỽ kynngybellet ac na dellych vyth dra+
cheuen yr tir. O|th gyfuarchaf vap synnhỽyry+
aỽl hep yr amheraỽdyr. py amser y gỽnaeth ad+
af y kam y|gyrrỽyt ef o|e achos o|paradỽys.
y|mab a|dyỽat y|mae rỽng aỽr anterth a|hanner
dyd y colles adaf y|valchter. Ac y|gyrraỽd agel
cannhorthỽy ef a|chledeu aỽchlym. gloyỽ tan+
llyt y|diffeithỽch ynyal y|ỽledychu ef a|e eppil
| « p 113r | p 114r » |