Breudwd Rhyddiaith Gymraeg 1300-1425
English

Rhydychen, Llsgr. Coleg yr Iesu 119 (Llyfr Ancr Llanddewi Brefi) – tudalen 107v

Buchedd Beuno

107v

y hynny. ha|ỽreicda heb·y|beuno pa achaỽs yỽ hỽnnỽ.
dyoer heb y|ỽreic y|tir yr|ỽyt|ti yn|y veddyannv. ac|yn
adeilat arnnaỽ. tref tat y|mab yỽ. Yna y|dyỽat beu+
no vrth y|disgyblonn. tynnỽch ych|dỽylaỽ heb ef y
vrth y|gỽeith y|tra vedydyỽyf yma. a|pharatoỽch ym
vyng|kerbyt. ni a aỽn ygyt a|r|ỽreic honn a|r mab y
ymỽelet a|r|brenhin. y|gỽr a|rodes ymi y|tref tat ef.
Ac yna y kychỽynnaỽd beuno a|e disgyblonn ygyt
ar ỽreic ar mab. ac y|doethant hyt yng|kaer seint
yr|lle yr oed y|brenhin. yr aỽr honn y|gelỽir y|lle hỽnnỽ
kaer yn aruon. Ac yna y|dyỽat beuno vrth y|brenhin.
paham heb ef y|rodeisti ymi tref neb. na|dylyet. pa
hachos heb y|brenhin py|le y|mae y|neb a|e dyly ef. Y
mab heb·y|beuno yssyd yn|arffet y|ỽreic racco a|dyly
y|tir. Ac yssyd etiued arnaỽ. Dyro di heb·y|bevno yr
mab y|tir. A|dyro y|mynhev|tir arall am hỽnnỽ. neu
dyro ym y|rod a|rodeis i yti. Sef yỽ honno. y|ỽaell ary+
ant. Sef atteb a|rodes y|brenhin trahausbalch y veu+
no. ni neỽidyaf|i heb ef a|thidi vn tir. y|rod a|rodeisti
ditheu ymi. mynheu a|e roessum hi y arall. Sef a|oruc
beuno llidyaỽ a|dyỽedut y brenhin. Mi a|archaf heb
ef y|duỽ na bo hir y|medych ti ar tir a|dayar. A|mynet
ymeith a|oruc beuno a|e adaỽ ynteu yn emelltigedic.
keuenderỽ oed yr brenhin a|elỽit gỽideint. a|hỽnnỽ a
gerdaỽd yn ol beuno ac a|e gordiỽedaỽd y|tu arall yr