Breudwd Rhyddiaith Gymraeg 1300-1425
English

Rhydychen, Llsgr. Coleg yr Iesu 119 (Llyfr Ancr Llanddewi Brefi) – tudalen 105r

Buchedd Beuno

105r

arglỽyd grist. Ac a|blannaỽd vessen yn|ystlys bed y
dat. a honno a|dyfaỽd yno yn derỽen diruaỽr y hu+
chet a|e fraffet. Ac ar|vric y|prenn hỽnnỽ ef a|ỽrth+
tyfaỽd keing hyt y llaỽr. Ac o|r llaỽer dracheuen
yn ogyuuch a bric y|prenn. A|thrigyaỽ elin yr geing
ar|y llaỽr. Ac velle y|mae yn ỽstat. Ac o|da seif y|rỽng
yr elin honno a|bon y prenn yn|diannot y byd marỽ.
Ac os kymro a a yno ny henuyd gỽaeth. A gỽedy tri+
gyaỽ beuno ar tref y|dat ar dalym o amser. y gedeỽis
tret* y|tat. ac y kerdaỽd racdaỽ hyt at vaỽn vab bro+
chỽel. a hỽnnỽ a|e herbynnaỽd ef yn garedic ac ynn
vonedigeid o achos y|gyfueillach a|e haeloni a|e|vfyll+
daỽt yn gorchymynnev duỽ. Ac yna y|rodes maỽn
dros y eneit ef ac eneit y dat. a|berriỽ y|duỽ a|beuno.
A|dydgỽeith val yd oed beuno yn gorymdeith geir
llaỽ auon hafren yng|kylch yyt nachaf y clyỽei o|r
tu arall yr auon llef seis yn annoc y|gỽn yn hely
ysgyfuarnnaỽc. Sef a|dyỽedei y seis hyt y benn.
kergia kergia. Sef oed hynny yn|y ieith ef. annoc
y|gỽn. A|phann gigleu veuno llef y seis. ymhoelut
yn|diannot a oruc dracheuen a|dyuot ar y|disgyblon
a|dyỽedut vrthunt. gỽisgỽch amdanaỽch ych dill+
at vy meibon. i. ach archennat ac a daỽn y lle hỽnn.
kenedyl y|gỽr angkyuyeith a gigleu vi y le tu draỽ
yr auon yn annoc y|gỽn a|oresgynnant y lle hỽnn.