Breudwd Rhyddiaith Gymraeg 1300-1425
English

Rhydychen, Llsgr. Coleg yr Iesu 119 (Llyfr Ancr Llanddewi Brefi) – tudalen 101r

Buchedd Dewi

101r

ryued gann baỽp. A|phann oed deỽi ar|ỽarthaf y|llaỽr
gỽastat a|dyỽedỽyt vchot yn pregethu. y|kyuodes y|lla+
ỽr hỽnnỽ  megys mynyd vchel dan y|draet
a|phaỽb o|r gynnulleitua honno yn edrych ar hynny.
yr hỽnn yssyd etỽo yn vrynn vchel yn amlỽc gann
baỽp. ac yn ỽastatir o|bop parth idaỽ. Ar gỽyrth ar
ryuedaỽt hỽnnỽ a|oruc duỽ er deỽi yn llanndeỽivreui.
Ac yna yn gytuun y|rycgtunt e|hunein moli deỽi sant
a|orugant. Ac adef yn duhun y|vot ef yn tyỽyssaỽc
ar seint ynys prydein. gann dyỽedut mal hynn. me+
gys y|rodes duỽ pennadur yn|y mor ar|bop kenedyl o|r
pyscaỽt. A megys y|rodes duỽ pennadur yn|y|dayar
ar yr adar. Velle y rodes ef deỽi yn pennadur ar|y
dynyon yn|y byt hỽnnỽ. Ac yn|y|mod y|rodes duỽ ma+
theu yn iudea. A lucas yn alexandria. A christ yg|kae+
russalem. a|pheder yn rufein. a martin yn ffreinc. A
sampson yn llydaỽ. y|rodes y|dauid sant vot yn ynys
prydein. Ac vrth hynny y|gỽnaethpỽyt deỽi sant yn
tyỽyssaỽc ac yn pennadur ar seint ynys prydein. a*
am pregethu ohonaỽ yn|y sened vaỽr honnno* yr holl bo+
byl yn|yr honn ny aallaỽd neb bregethu namyn ef. Ar
dyd hỽnnỽ holl seint yr ynys honn ar brenhined oll. a
ostynghassant ar eu glinnyeu y adoli y|deỽi. Ac a rod+
dassant idaỽ vot yn bennaf ar seint ynys prydein.
Ac ef a|e haedaỽd. Ar dyd hỽnnỽ y|rodet y|deỽi y|nodua+