Breudwd Rhyddiaith Gymraeg 1300-1425
English

Rhydychen, Llsgr. Coleg yr Iesu 111 (Llyfr Coch Hergest) – tudalen 29r

Brut y Brenhinoedd

29r

113

nifer o weisson   Jeueinc yn gỽAre yn
drỽs porth y dinas. a sef a|ỽnaeth y kena+
deu dynyssau y edrych ar y gỽare. ac eis+
ted yn ỻudedic dyffygyaỽl ac ymỽaran+
daỽ am y neges yd|oedynt yn|y cheissaỽ.
a gỽedy bot y gỽeisson yn gỽarae yn
hir. daruot a|ỽnaeth rỽg deu o·nadunt.
a|r neiỻ o·nadunt a|elỽit myrdin. a|r|ỻaỻ
a|elỽit dunaỽt. ac yna y dyỽaỽt dunaỽt
ỽrth uyrdin. Py achaỽs yd ymryssony
di heb ef. a miui nac y|kynhenny. ka+
nys dyn tyghetuenaỽl ỽyt ti heb dat
idaỽ. a minheu a|henỽyf o vrenhinaỽl
lin o bleit mab a that. a phan gigleu
y kenadeu yr ymadrodyon hynny drych+
auel eu hỽynebeu a|ỽnaethant ac e+
drych ar vyrdin. a gofyn y|r|dynyon
a oed yn eu|kylch pỽy oed y gỽas. ac ỽynt
a|dywedassant na wydynt hỽy py dat a|e heniỻassei ef. y uam
ynteu heb ỽynt y mae yn vynaches ym+
plith y mynachesseu ereiỻ yn eglỽys pe+
A c yn|y ỻe kychỽyn a|oruc y [ dyr.
kenadeu ar gỽnstabyl y dref. ac
erchi idaỽ o bleit y brenhin an+
uon Myrdin a|e vam yn diannot hyt at
y|brenhin ỽrth wneuthur y eỽyỻys o+
nadunt. a gỽedy eu dyuot hyt rac bron
y brenhin. Y haruoỻ yn anrydedus a|ỽna+
eth y|brenhin y uam vyrdin kan gỽydat
y hanuot o urenhinaỽl anedigaeth. ac o+
dyna gofyn a|oruc idi pỽy oed dat y mab
ac yna y dyỽaỽt hitheu. arglỽyd urenhin
heb hi. Byỽ yỽ uy eneit i nat adnabu+
um i gyt gỽr eiryoet. ac na ỽybuum
pỽy a|greỽys y mab hỽn y|m kaỻon. na+
myn un peth a|ỽn. Pan yttoedỽn ym+
plith uyg|kedymdeithesseu yn yr un ty.
Nachaf y gỽelỽn yn|dyuot attaf yn drych
gỽr Jeueinc o|r byt. ac yn|dodi y dỽylaỽ
y|m|kylch ac yn ymgaru a|mi. ac o|r diỽ+
ed yn kydyaỽ a mi drỽy vy hun a|m
hadaỽ yn veichaỽc a gỽybydet dy brud+
der di a|thoethineb arglỽyd vrenhin
na bu imi eiryoet achaỽs a gỽr namyn
hynny. Megys y gỽypỽn i bot tat idaỽ ef
amgen no|hỽnnỽ. Ac anryuedu hynny

114

yn vaỽr a oruc y brenhin. Ac erchi d·+
yn meugant deỽin attaỽ y ofyn idaỽ
a aỻei hynny uot yn|wir. a gỽedy dyuot
Meugant y|e a datkanu idaỽ y gyfranc
honno. Ynteu a dyỽaỽt y keiff yn ỻyf+
reu y doethon. ac yn ỻaỽer o ystoryaeu
bot ỻaỽer o|dynyon a|ryỽ anedigaetheu
hynny udunt. apulenius heb ef a|dyỽ+
eit pan draetho o duỽ a|r seint. bot ryỽ
genedyl o yspryt yn pressỽylaỽ rỽg y
ỻeuat a|r dayar. a|r rei hynny a|alỽn ni
diefyl gogỽydedic. a ran yndunt o|r
dayar ac o dynaỽl anyan. a ran araỻ
anyan egylyon yn|pressỽylaỽ yno. a
phan y mynnont y gaỻant kymryt
furyf dynaỽl a|e drych ar·nadunt. a
chydyaỽ a|r|gỽraged veỻy. ac·atfyd
vn o|r rei|hynny a|doeth at y wreic·da
hon. ac a|e beichoges pan|gahat y gỽ+
as Jeuanc hỽnn. ~ ~   ~ ~ ~  
A c yna pan gigleu myrdin yr ym+
adrodyon hynny nessau a|oruc
at y brenhin ac adoli idaỽ a go+
fyn py achaỽs y ducsit ef a|e vam hyt
yno. Gỽrtheyrn a|dyỽaỽt ỽrthaỽ. vyn
dewinyon a archassant im geissaỽ
mab heb dat idaỽ. ac a gỽaet hỽnnỽ
iraỽ y gỽeith. ac ueỻy y dyỽedynt
y safei y gỽeith. Ac yna y dyỽaỽt myr+
djn. arglỽyd heb ef par dỽyn dy deỽ+
inyon rac vym bron. i. a mi a|brofaf
arnunt bot yn|gelỽyd a|dyỽedassant
ac enryuedu a|oruc y brenhin yma+
draỽd myrdin. a gỽedy dỽyn y deỽi+
nyon rac y uron ef. Ynteu a ofyn+
ỽys vdunt beth oed yn ỻesteiryaỽ y|r
gỽeith seuyỻ. Kanys y mae yno peth
yn|dirgel ny at y|r gỽeith sefyỻ. ac
ny aỻỽys y deỽinyon atteb o dim. Ac y+
na y dyỽaỽt Myrdin. arglỽyd heb ef
arch di dỽyn dy weithwyr y gladu y
dayar yma. a|thi a|geffy lyn y·dan y
dayar. a hỽnnỽ ny at y|r gỽeith sefyỻ
a gỽedy gỽneuthur y clad a|chaffel y
ỻyn. Yna y dyỽaỽt myrdin eilweith ỽrth
y deỽinyon. Dyỽedỽch dỽyỻỽyr brat+