Breudwd Rhyddiaith Gymraeg 1300-1425
English

Rhydychen, Llsgr. Coleg yr Iesu 111 (Llyfr Coch Hergest) – tudalen 240r

Diarhebion

240r

964

A  bo da gann duỽ; ys|tir. 
Adaỽ maen; ac adaỽ mab. 
A duc yr hyd; y|r maes maỽr. 
Agheu; a|dyrr dedyf. 
Agheu a|dysc; hen yn rydegaỽc. 
Asgỽrn yr|hen; yn|yr agenn.
Asgre lan; diogel y pherchen. 
A ranno y liaỽs; rannet yn hynaỽs. 
Avo marw; ny moch welir. 
Adaỽ maỽr; a rod vechan. 
A gymero; katwet. 
A|clwyt; a gymeỻ. 
A adef; ry deu.  [ dan y dorr y gỽascar.
A arbetto y vach; arbetet y gynnogyn.
Ar·wassaf y leidyr; y uanac. 
A gaffo dyrnaỽt y bore; hyt ucher yd|a ac ef.
Ar ny rodo a|garo; ny cheiff a damunho. 
A uo amyl y uara; dan ganu yd a y laetha.
A gynnuỻer ar|gefyn march maleu;
Arỽyd drỽc; mỽc yn diffeith. 
A uo trechaf; treisset. 
A dycko yr ỽy; ef a|dỽc a uo mỽy. 
A dysger y|r mab duỽ sul; ef a|e|keis duỽ ỻun.
Amlaf kỽrỽf; tra|hidler. 
Alwyssen kam; o|r karỽ. 
Achles caỻon; cỽrỽf. 
Annoc dy|gi; ac na ret gantaỽ. 
A·chỽanneckit mefyl; maỽr eir. 
Ar ny wanho yn draen; ny wan yn gyfyỻ.
A difo gan gar; a diuyd gan nos. 
A uo penn; bit pont.  [ yn
A gỽynn rỽy; ny ry|gynuan [ hor y|eỻdreỽ+
A wnel y maỽr drỽc; tynget y maỽrỻỽ. 
Ar ny|wnel kyghor y vam; gỽnaet gyg+
Adneu; gan perchennaỽc. 
Adneu kyhyryn; gan gath. 
A uynno y uoli; bit uarỽ. [ kar.
Atwen mab a|e ỻocha; ac nyt atwen a|e
A garho y ỽr; karet y whegỽr. [ gantaỽ.
A el y|r|dadleu heb neges; doet a|e neges
Ard kyn|bych; ard kynny|bych.

965

A el y chỽare; adaỽet y groen gartref  
A wahanỽys y gnaỽt; gỽahanỽys dolur. 
Anreith gyflutỽyd tayaỽc; yn|ty y gilyd. 
Am·aerỽy diryeit; dryc·anyan. 
A vo goreu y ryuel; goreu vyd y hedỽch. 
A vo amyl y uel; dodet ar y iwt. 
Ar ny|ochelo; ny ochel drỽc. 
Ar ny diuo; pỽyỻ py diỽ. 
A ysso tam y mab; ysset a|e ueuyl gantaỽ. 
Astrus; pob hynaf. 
A lygrỽys duỽ; a lygrỽys dyn. 
Ar ny diuo gỽas; bit was idaỽ e|hun. 
A re y vran vaỽr. a|re y vran vechan. [ ỽeith.
A diuo y torth a|e teheith; a diuyd a|ỽne* y
Aghwanec yỽ: y drỽc y gilyd.  [ deueit.
Atuo amlaf y bleideu; gwaethaf vyd y|r
Aeduet; agheu hen. 
Amgeled y|ki; am|y|kỽt halen. 
Atwen hen|gath; lefrith. 
Atwen laet* kyn ny|s|diwhynnỽys. 
A gauas y karn; kauas y ỻauan. 
A wnel mat; mat a dyly.  [ baradỽys.
A uo nessaf y|r eglỽys; peỻaf uyd y|ỽrth
A gwyno kỽyn bychan. cỽyn maỽr a|darogan
B v gỽeỻ y|r gỽr a|aeth y|hila ym 
noc yr hỽnn a|aeth a|r gygyr. 
Bassaf yỽ|r dỽfyr; yn|yt leueir. 
Bit trist; pob galarus. 
Byr·hoydlaỽc; digassaỽc seint. 
Byd vyỽ varch; a|th vi weỻt mei. 
Blith y|got; a|gynnuỻ. 
Berỽit caỻon ỻeỽ. 
Bud; kynn tymp. 
Bychan; yỽ mam y gynuyl. 
Breudỽyt gỽrach; ỽrth y hewyỻys. 
Brodyr; pob kerdoryon. 
Bỽrỽ a|th unỻaỽ; a cheis a|th|dỽylaỽ.
Boloch; vyd daỽ. 
Bei a|thuaỽr; y gỽelut gỽe   
Bore coch; a maỽred gỽreic. 
Bu gỽeỻ y|r ki a|grỽytrỽyd; noc y|hoỻ
[ a uu uarỽ rac