Breudwd Rhyddiaith Gymraeg 1300-1425
English

Rhydychen, Llsgr. Coleg yr Iesu 111 (Llyfr Coch Hergest) – tudalen 227v

Ystoria Bown de Hamtwn

227v

914

boỽn hynny. chwerỽ. a|doluryus oed gantaỽ.
ac|heb ohir anuon kennadeu hyt yn ciuil att
terri. A phan|gigleu terri hynny. ny orffỽys+
saỽd na dyd na nos yny gauas pymtheg|mil
o|wyr aruaỽc gyt ac ef. ac a boỽn y uab gyt ac
ef y doeth hyt ym bratfỽrt. a|phan welas
boỽn ỽynt ỻawen uu. ac ysgynnu ar arỽn+
del a|dyuot yn eu herbyn. a dyuot att terri
y·dan chỽerthin a|gouyn idaỽ a|oed iach y|wreic.
Jach heb ynteu duỽ a|diolcho itt. a thri meib
yssyd y ni. Myn vym|penn heb·y boỽn. bodlon
ỽyf am|hynny. a mynet dỽylaỽ mynỽgyl
idaỽ a|oruc. a mynet racdunt yny doethant
y|r ỻys. A phan y gỽelas Josian ỻawen a hyfr+
yt uu. Milys a gi a|doethant ydan chỽerth+
in attunt. a ỻawen uu terri pan y gỽelas
ỽynt. Ac yna y dywaỽt terri ỽrth boỽn.
Syr heb ef. par y|th uarchogyon clotuorus
ysgynnu ar eu meirch. kany wdam ni uy+
net tu a mỽmbraỽnt. kany dyly neb o|r a
elei y ryuelu uot yn|diaỽc. ac heb ohir gỽ+
isgaỽ a|orugant eu harueu ymdanunt.
Ac ysgynnu a|orugant ar eu meirch dryth+
yỻ. a marchogaeth a|orugant hyt dyd ac
hyt nos. a phan|doethant y vỽmbraỽnt.
ỻuestu a|ỽnaethant. a phan|gyuodassant y
bore. ny welynt neb a ymgyffelybei udunt.
Ac yna. cyrchu preid a|orugant y maes o|e niu+
roed*ac yna y kyuodes y|cri. a|r|ỻeuein ar+
nunt. ac y deuth yghỽanec y deugein
mil o wyr aruaỽc o|r dinas o|r sarascinyeit.
ac o ulaen y|rei ereiỻ ffaỽcỽnyeit. ac o|ragu
toruoed ˄o genedyl a|elwir donnes. ac o|lef
uchel kyrchu y cristonogyon. A|phan gigl+
eu terri hynny. brathu y uarch ac yspar+
duneu a|oruc. a|th·araỽ dyrnodeu maỽr ar
eu|penneu. a boỽn yn|dyuot attaỽ. ac yn
ỻad y sarascinyeit a|elwyt roffons. Y vrỽy+
dyr a|barhaaỽd yn uaỽr ar y ffelỽnyeit. a
ỻawer ỻuruc a dryỻywys ac a vriwys. a
boỽn yn ymgelydus am arỽndel rac y

915

ragỽns. a tharaỽ un ar|benn yny dygỽyd+
aỽd yn uarỽ y maes o|e gyfrỽy. a|e gedymdei+
thon nyt ymarbedassant megys barỽneit
dewron. Maỽr uu y urỽydyr a balch. a ỻaỽer
yd oed boỽn a|therri yn|y darestỽng onadunt.
a sabaoth nyt oed lỽfyr. kanys y neb a|draỽ+
ei marỽ uydei. ac ar hynny nachaf iuor yn
dyuot. a phymtheng mil o|r arabieit gyt ac
ef. Ac yna y kyhyrdaỽd boỽn ac|ỽynt ar a+
rỽndel y uarch. ac y tynnaỽd morglei y gle+
dyf. a rodi dyrnodeu maỽr ac ef ar eu tary+
aneu hyt pan|syrthynt neu|wynteu a ledit
yn gyflym. a gossot a|oruc ar iuor. ac yn+
teu a|erchis y naỽd. ac erchi idaỽ y dala ac
na|ledit. Mi a|ỽnaf hynny heb·y boỽn. Ac
yn|y urỽydyr yd|oed Sabaoth a|therri yn ro+
di dyrnodeu di·arbet. ac yna y|brathaỽd yr
dmiral* condin. a|thrỽy lef uchel erchi a|o+
ruc y|r cristonogyon clotuorus rodi dyr+
nodeu yn iaỽn. a ffo a|orugant y paninỽ+
nys. a their miỻtir oed yn hyt y ỻu. a hyt
ym macubraỽnt y ffo·yssant. Ac yna yd
ymchoel boỽn y dinas bratfỽrt. ac y|eu|ỻe+
tyeu yd aethant y marchogyon dewron. ac
ymdiaruu a|orugant. a|r meibon a|redas+
ssant at eu tadeu y dynnu eu harueu.
ac yd archyssant y tat gỽiscoed ac arueu.
kanys maỽr ym a|chryuyon. vy meibon y
tec ry|dyner yỽ aỽch|cnaỽt y dỽyn arueu
trymyon. a|phan uoch gryfyon. chỽi a|gef+
fỽch arueu heb·y boỽn. ac yna yd oed boỽn
a|therri. a sabaoth. ac iuor ar ueinc yn eis+
ded. Beth heb·y brenhin mỽmbraỽnt a
gymery di o|werth drossof|i. ac na|m|dihenyd+
yych. Myn vym|penn heb·y boỽn ny thienydy  ̷+
ir. namyn tỽng y gỽney ffydlondeb. ac en+
wa y gỽerth. a thyngu a|oruc ynteu y|dỽy+
weu ef y uahumet. ac apolin. a theruagaỽnt.
y bydei ufud ef ỽrth y hewyỻys ỽynt. ac|y+
na yd ennwis y brenhin sỽmp o da. nyt
amgen no chan meirch a|e can|pỽn arnunt o
eur ac aryant.