Breudwd Rhyddiaith Gymraeg 1300-1425
English

Rhydychen, Llsgr. Coleg yr Iesu 111 (Llyfr Coch Hergest) – tudalen 220v

Ystoria Bown de Hamtwn

220v

886

a|ỽnaeth ar hynt. ac eu gỽiscaỽ. A gỽedy
hynny y|r neuad yd aethant y eu bỽyt.
A gỽedy bỽyta boỽn a|ymgỽeiraỽd ac a
wisgaỽd ymdanaỽ. a thu a ỻoegyr y kym+
merth y hynt. A|r esgob a|rodes idaỽ yn
nerth megys y dywedassei pump cant
marchaỽc kyweir. Y·gyt ac y gỽyl Josi+
an hynny. eỻỽng y dagreu a|wnaeth.
a dyuot at boỽn a|dywedut ỽrthaỽ. mae
goganus oed idaỽ y hadaỽ hi yn|y ol. ym
plith tywyssogyon a marchogyon. kanys
gaỻei ry damhweinaỽ gỽneuthur anuod
arnei. a|chytgysgu a|hi. Na chymer un
drỽc arnat heb·y boỽn. mi adawaf gopart
gyt a|thi y|th warchadỽ. ac ef a|th differ rac
pob ryỽ ouut ac argywed. Yn|ỻawen ar+
glỽyd heb hitheu. mal y mynnych di bit.
a minneu a|odolygaf y|r arglwyd duỽ gaf+
fel ohonaf inneu diogelrỽyd am hynny
yny|delych ditheu dracheuyn. ac yna my+
net dỽylaỽ mynỽgyl a|wnaethant. A|gỽe+
dy hynny euo a|e gedymdeithon a|esgynnas+
sant ar eu meirch. ac a gerdassant tu a
ỻoeger. Ac yna y dyỽaỽt ef ỽrth y gedym+
deithon. Kynn an mynet att sabaoth. ni
a|aỽn y ymwelet a|r amheraỽdyr. a|mi a|e
tỽyỻaf ef megys y gỽeloch. Yn|ỻawen
heb ỽynteu. megys y mynnych di mae gỽ+
naỽn. Racdunt y kerdassant yny doeth+
ant y hamtỽn. Y·gyt ac y gỽyl yr amher+
aỽtyr ỽy a|don oed y enỽ. Ef a|doeth yn eu
herbyn. ac edrych ar|boỽn a|wnaeth. a go+
vyn idaỽ o pa|le pan hanoed. Pan hanỽ+
yf i arglwyd heb·y boỽn o|ffreinc o gasteỻ
digon. Pỽy dy enỽ di heb yr amheraỽdyr.
Girart arglỽyd heb ynteu yỽ vy enỽ.
ae ryuelwyr yỽch chỽi. ac a|gymero da
yr ryuelu. ac os ef mi a|rodaf yỽch ỽrth
aỽch ewyỻys. Yr ryuelu o·honaỽch ar
y bilein yssyd y|m herbyn. a sabaoth yỽ
uy* enỽ. a hỽnnỽ yssyd yn ynys yn|y mor

887

racco y|myỽn kasteỻ cadarn. ac odyno y
mae y|m goualu yn braff. Yr|duỽ heb·y gir+
art a digaỽn ef gỽneuthur dim argywed.
Ym kyffes uakỽy heb yr|amheraỽdyr. neur
daruu idaỽ diffeithaỽ ỻawer o|m kyuoeth.
a|ỻad y gỽyr a|r gỽraged. heb arbet un dyn
o|r a gyuarffei ac ef. a ỻosci y dinas·drefyd a
thorri y kestyỻ. Ac yn uynych y dỽc kyrch+
eu y|m kyuoeth. gỽeitheu hyt dyd. gỽeitheu
hyt nos. Ac ueỻy y mae y|m diffeithaỽ yn
wastat. Ny|dylyut arglỽyd heb·y girart diodef
hynny. ac o rody di y mi nerth o|th eidaỽ.
Minneu a daỻaf sabaoth yn|vyỽ. ac a|e rỽy+
maf. ac a|e dygaf hyt attat y|th gasteỻ.
Mi a rodaf itt heb·y don pob|peth o|r a|erchych.
Nyt archaf itt yn aỽr heb ynteu. onyt ỻen+
nỽi y ỻong hong* o vỽyt a|ỻyn. a|rodi digaỽn
o arueu y|m kedymdeithon inheu. A hynny
a geffỽch chỽitheu yn ỻaỽen heb·y don. ac
heb olud y ỻong a|lenwit. ac arueu a|gaỽs  ̷+
sant kymmeint ac a|uynnassant. ac rac+
dunt yd hỽylassant yny doethant hyt yn
ymyl kasteỻ Sabaoth. ac ygyt ac y gỽyl
Sabaoth hỽy. ef a|doeth yn eu|herbyn. a|go+
vyn y boỽn o pa|le pan hanoed. a pha|le y ga+
nydoed. Nyt ymgelaf ragot arglỽyd athro.
boỽn o hamtỽm ỽyf|i. ac y·gyt ac y clyỽ sa+
baoth hynny. achub a|ỽnaeth a|dodi y dỽylaỽ
am y vynỽgyl. a|e gussanu yn vynych ac ny
bu gyn|laỽenet Sabaoth eiryoet ac yna. A ̷
nyt haỽd traethu na menegi y ỻeỽenyd a|gym+
erth paỽb o·nadunt yn|erbyn y gilyd. ac y eu
bỽyt yd aethant. a gỽassanaeth fflỽch di  ̷+
dlaỽt a|gaỽssant. Ymchoelỽch in att iosian
a edeỽssit yg|colon gyt a chopart. a Jarỻ
o|r wlat yno dydgỽeith a|edrychaỽd ar Josian.
a|hoffa yn|y byt uu gantaỽ y thecket. ac
ennynnv a|wnaeth o|e charyat. hyt na  ̷
wydyat o|r|byt beth a|wnaei rac meint y
karei. a mynych y doei y gorderchu hi.
Ac y gynnic idi pob kyfryỽ da o|r a|aỻei dyn