Breudwd Rhyddiaith Gymraeg 1300-1425
English

Rhydychen, Llsgr. Coleg yr Iesu 111 (Llyfr Coch Hergest) – tudalen 217v

Ystoria Bown de Hamtwn

217v

874

net o|e edrychac ynteu a|aeth. ac ar hynt
a|doeth etti dracheuyn. ac a|dywaỽt ỽrthi.
y|mae boỽn oed y palmer. Y·gyt ac y kiglev
y march enỽi boỽn. kymryt ỻewenyd a
ryuic yndaỽ a|wnaeth a|gỽeryru yn uchel
orawenus a|ỽnaeth. a hitheu a|doeth att
y palmer. ac a|dywaỽt ỽrthaỽ. Pony chly+
wy di y ryỽ ryuic ac ynni y mae y march
yn|y gymryt yndaỽ. o achaỽs clybot en+
nỽi boỽn unweithClywaf heb ynteu.
a|mi af y edrych. ac a|wybydaf a|atto
im y uarchogaeth. ac att y march yd a+
eth. ac ar hynt ysgynnu arnaỽ a|oruc.
A|r march yna wedy kael y arglỽyd.
a|uu ryuygus ỻamsachus. a|cherdet
gỽalop y·danaỽ ar hyt y kỽrt a|ỽnaeth.
yny|doeth att iosian. a hitheu trỽy y
hỽylaỽ a|dywaỽt yna ỽrth y palmer.
Yn aỽr y gỽnn i yn|wir y mae tydi yỽ
y gỽr mỽyaf a gereis. ac a|garaf. ac yd
oedỽn ys ỻawer o amser yn damunaỽ
ar yr iessu grist y welet. Disgyn y|r ỻa+
ỽr a ỻyma dy uarch itt a|th gledyf ti a|e
keffy. arglỽydes heb ynteu y cledyf dy+
ro im. ac ragof y kerdaf inneu tu
a ỻoegyr. Nyt ueỻy y byd heb·y iosian.
namyn pan elych di minneu a|af gyt
a|thiarglỽydes heb ynteu gat e|hun+
an. brenhines gyuoethaỽc ỽyt ti. a
minneu gỽr tlaỽt ỽyf. ac myn iessu
grist iaỽnach oed im dy gassav no|th
garu. kanys dy dat a|beris vyg|karch+
aru yg|karchar drỽc laỽer o amser.
a|pheth araỻ heuyt. y nos araỻ y kyf+
fesseis i ỽrth y padriarch. ac ynteu. a|orch+

875

ymynnwys y minneu. na chymerỽn ym
gỽreicka o·nyt morỽyn. a|thitheu yd ỽyt
seith mlyned yn gỽbyl gyt ac iuor dy ỽr.
ac o|r|beut uorỽyn yr hyt honno ryuedaỽt
maỽr oed. a vnbenn tec heb hitheu. myn
y|gỽr a|dylyaf i y wediaỽ yn wir mi a|dyỽ+
edaf na|bu|gyt·knaỽt hyt hynn etto y·rof
i ac iuor. ac aỽn ygyt y loegyr. a|gỽedy
darffo vym medydyaỽ ony|m|key yn uorỽ+
yn. o|m vn|crys gyrr ui ymeith. Yn ỻaỽ+
en heb ynteu. ac yna disgynnv a|ỽnaeth
ef. a|mynet duylaỽ mynỽgyl a|ỽnaethant.
a maỽr yd ymgerynt. a|ewenyd praff
o·nadunt megys y digaỽn paỽp y|wybot.
ar|hynny y gỽelynt iuor ar y pymthec+
uet o urenhined yn dyuot o hela. a mil
y·rỽng ỻewot a ỻeỽpardot a|geỽssynt y
dyd hỽnnỽ o hela. o eirth a|beid coet nyt
oed neb a|wypei eu riuedi. Y·gyt ac y|gỽyl
Josian iuor yn|dyuot tristau a|ỽnaeth hi
yn braff. ac ỽylaỽ. a galỽ ar|bonffei y bra+
ỽtuaeth. a|dywedut ỽrthaỽ. Weldy racko
iuor yn|dyuot. a mae dy gynghor ditheu.
kanys maỽr yỽ dy ofyn na chaỽn|gyffur y
dianc. Nac ỽyl di heb·y bonffei. y kynghor
goreu o|r a|wypỽyf i mi a|e|rodaf itt. vn
braỽt yssyt y iuor y myỽn y kasteỻ a|elwir
dabilent. a|brenhin kyuoethaỽc yỽ. a ba+
ligraỽnt yỽ y enỽ. a|gỽedy y del iuor y my+
ỽn aet boỽn attaỽ. a|managet idaỽ bot y
vraỽt yn|y casteỻ. a bot brenhin araỻ a|ỻu
praff ganthaỽ yn ymlad ac ef. ac ony cha+
ei nerth yn ebrỽyd y goruydit ef. ac y|keit
y kasteỻ heb olud. a chyt ac y clyỽo ynteu
hynny. ef a|uyd trỽm gantaỽ y vryt. ac
a|luyda