Breudwd Rhyddiaith Gymraeg 1300-1425
English

Rhydychen, Llsgr. Coleg yr Iesu 111 (Llyfr Coch Hergest) – tudalen 206v

Culhwch ac Olwen

206v

834

yỽ gennyf y neges yd eloch ymdanei y
chaffel. Eỽch im y|r neges honn. Kerdet
a|orugant racdunt hyt att vỽyalch gilgỽ+
ri. Gouyn a|oruc gỽrhyr idi yr duỽ a|ỽd+
ost ti dim y ỽrth uabon uab modron. a
ducpỽyt yn|teir nossic ody rỽng y vam
a|r paret. Y uỽyalch a|dywaỽt. pan deu+
thum i yma gyntaf. eingon gof a|oed
yma. a minneu ederyn ieuanc oed+
ỽn. ny wnaethpỽyt gỽeith arnei. na+
myn tra uu uyg|geluin arnei bob uch+
er. hediỽ nyt oes kymmeint kneuen
o·honei heb dreulaỽ. dial duỽ arnaf
o chigleu i dim y ỽrth y gỽr a|o·vynnỽch
chỽi. Peth yssyd iaỽn hagen. a|dylyet
y mi y wneuthur y gennadeu arthur
mi a|e gỽnaf. kenedlaeth vileit yssyd
gynt a rithỽys duỽ no mi. mi a|af yn gy+
uarwyd ragoch yno. Dyuot a|orugant
hyt yn|ỻe yd oed kar˄ redynure. Karỽ re+
dynure yma y|doetham ni attat. ken+
nadeu arthur kany ỽdam aniueil
hyn no thi. dywet. a wdost di dim y
ỽrth uabon uab modron. a ducpỽyt
yn|deir nossic y ỽrth y uam. Y karỽ
a|dywaỽt. Pan|deuthum i yma gyn+
taf. nyt oed namyn vn reit o bop tu
y|m penn. ac nyt oed yma goet na+
myn un o goỻen derwen. ac y tyfw+
ys honno yn|dar can keing. ac y|dy+
gỽydỽys y|dar gỽedy hynny. a hediỽ
nyt oes namyn ỽystyn coch o·honei.
Yr hynny hyt hediỽ yd ỽyf i yma. ny
chigleu i dim o|r neb a|ouynnỽch chỽi.
Miui hagen a uydaf gyfarỽyd yỽch

835

kanys kennadeu arthur yỽch hyt ỻe
y mae aniueil gynt a|rithỽys duỽ no mi.
Dyuot a|orugant. hyt ỻe yd|oed cuan
cum kaỽlỽyt. cuan cỽm caỽlỽyt yma y
mae kennadeu arthur. a|ỽdost di dim
y ỽrth vabon vab modron a|ducpỽyt et cetera.
Pei as gỽypỽn mi a|e|dywedỽn. Pan|deu+
thum i yma gyntaf. y cỽm maỽr a|welỽch
glynn coet oed. ac y deuth kenedlaeth o
dynyon idaỽ. ac y|diuaỽyt. ac y tyuỽys yr
eil|coet yndaỽ. a|r trydyd coet yỽ hỽnn.
a|minneu neut ydydynt yn gynyon
boneu vy esgyỻ. yr hynny hyt hediỽ. ny
chiglef|i dim o|r gỽr a|ouynnỽch chỽi.
Mi hagen a|uydaf gyuarwyd y genadeu
arthur. yny deloch hyt ỻe y|mae yr anni  ̷+
ueil hynaf yssyd yn|y byt hỽnn. a mỽy+
af a|dreigyl. eryr gỽern abỽy. Gỽrhyr
a|dywaỽt. Eryr gwern abỽy ni a|doetham
gennadeu arthur attat. y|ouyn itt a
ỽdost dim y ỽrth vabon uab modron a|duc et cetera.
Yr eryr a|dywaỽt. Mi a|deuthum yma yr
ys|peỻ o amser. a|phann|deuthum yma
gyntaf. Maen a|oed ym. ac y ar y benn
ef y pigỽn y syr bop ucher. weithon
nyt oes dyrnued yn|y uchet. yr hynny
hyt hediỽ yd|ỽyf i yma. ac ny chiglef|i
dim y ỽrth y gỽr a|ouynnỽch chỽi. onyt
un treigyl yd euthum y geissaỽ uym|bỽyt
hyt yn ỻynn ỻyỽ. A phann|deuthum i
yno y ỻedeis uyg|cryuangheu y myỽn e+
haỽc o|debygu bot vym|bỽyt yndaỽ wers
vaỽr. ac y tynnỽys ynteu ui hyt yr affỽ+
ys. hyt pann uu abreid im ymdianc y
gantaỽ. Sef a|ỽneuth·um inheu mi a|m