Breudwd Rhyddiaith Gymraeg 1300-1425
English

Rhydychen, Llsgr. Coleg yr Iesu 111 (Llyfr Coch Hergest) – tudalen 150r

Ystoria Carolo Magno: Pererindod Siarlymaen

150r

609

taf. ef a|doeth att y padriarch. ac a er+
chis idaỽ y uedydyaỽ. ac a|dyỽaỽt ỽrth
y pedriarch. bot yn|yr eglỽys crist a|e
deudec ebystyl y·gyt ac ef. a galỽ niue+
roed attaỽ a|oruc y padriarch. a mynet
gan prossessio ac ymneỽ a chyỽodolyae+
theu parth a|r eglỽys. A phann|welas
chyarlys y vydin honno yn|dyuot y|r
eglỽys. a|r padriarch yn|y perued. yr
hỽnn a|atweynit ar y badriarchaỽl ỽisc
y uot yn badriarch. Kyuodi a|oruc ef
a|e wyrda yn|y erbynn drỽy leỽenyd
a noethi eu penneu. ac yn vuyd dares+
tygedic kymryt y uendith. a mynet
dỽylaỽ mynỽgyl idaỽ. a chann ry·ue+
du yn vaỽr y pedriarch a|o·vynnỽys idaỽ
pỽy oed. ac o|ba|le pan|dathoed. a pha|dv
yd aei a|r niuer hỽnnỽ. Chyarlys ỽyf
i heb ef yn|freinc y|m ganet. ỻyỽyaỽdyr
y wlat honno ỽyf ynneu. a gỽedy yd
adolỽyf ved yr arglỽyd. darpar yỽ gen+
nyf vynet at gyndrycholder hu gadarn
vrenhin corstinabyl. a|giglev gorhof+
der a|ragor clot idaỽ rac ereiỻ. yr hỽnn
o·nyt cristaỽn da a darestyngaf y grist+
onogaỽl ffyd. mal y deỻeis ac yd|ystyg+
eis hyt hynn deudec brenhin anffydlaỽn.
ac adnabot a|oruc y padriarch yn|y
gyndrycholder enryded y brenhin yr
hỽnn a rac·atỽaenat o glybot y glot
a|dywedut ỽrthaỽ a|oruc ual hynn.
Gỽynuydedic vrenhin ỽyt maỽrhy+
dic dy weithretoed a maỽrhydic dy|ar+
vaeth. val hynny y gỽledychir. val
hynny y devir ar y|dyyrnas ny diffic
vyth. A diameu yỽ bot yn|deilỽng y
kyfryỽ vrenhin a|thydi y eisted yn|y
gadeir arglỽydiaỽl honno. ac nyt e+
istedaỽd yndi dyn eiryoet eith·yr tydi.
namyn o beỻ y hodoli*Ac wrth hynny
yd achwannegir dy enỽ di weithon.
ac y|th elwir chyarlymaen. a chymryt
yr achỽanec enỽ hỽnnỽ a|oruc yn ỻaỽ+
en. a diolỽch y|r padriarch a gostỽng
y benn. Ac erchi idaỽ ychydic o grei+
reu kaerusalem. Nyt ychydic heb y

610

padriarch a|geffy di. namyn rann
arderchaỽc ual y geỻych anrydedu
freinc yr honn yssyd deilỽng o anryded.
Ac yna y rodes ef idaỽ ef breich seint
simeon. a phenn seint lazar. a rann
o waet ystyffann uerthyr. a baryf
bedyr e·bostyl. ac amdo Jessu grist.
a|e gyỻeỻ. a|e garegyl. ac un o|r ky+
thri a|uu yndaỽ ar y groc. a|r goron.
a pheth o laeth bronneu meir. a|e
chrys. ac esgit idi. a diolỽch yn vaỽr
a|oruc chyarlymaen y|r padriarch ual
y mae blin y datkanu rac maỽrweir+
thocket y rod. ac yn|y ỻe yd|ymdango  ̷ ̷+
ses gỽyrth y kreireu. nyt amgenn
dyuot krupyl attunt ny cherdardas*+
sei seith mlyned kyn no hynny. ac
yn|diannot kaffel y bedestric. Ac yna
y ducpỽyt krefftwyr kyỽreint y w+
neuthur ỻestri odidaỽc urdasseid o
eur ac aryant y arỽein y kreireu
hynny yn an·rydedus yndunt. a gỽe+
dy eu kaev yn|dichleis y gorchymyn  ̷+
nỽys y brenhin y keitwadaeth y tur+
pin archescob. Ac yno y bu y brenhin
bedwar|mis. ac y dechre·uaỽd gỽneu+
thur eglỽys ar y gost e hun. ac yd
edeỽis dogyn o|gost o|e chỽplav. a|phan
gychỽynnỽys odyno ymdeith. ben+
dyth y padriarch a|e gannyat a|gym+
erth. drỽy rat duỽ. ac adaỽ idaỽ o|r
delei o|e wlat pann|uei gyflỽr idaỽ yd
aei y|r yspaen y ymlad a|r paganyeit.
a|r gouunet hỽnnỽ a|gỽplaaỽd chy+
arlymaen yn arderchaỽc pann gym+
erth Rolant a|r|deudec gogyfurd yg
glynn y mieri buched dragyỽyd
dros vuched amseraỽl. ac yna y
menegis chyarlymaen o|e lu bot
eu hynt parth ac ar hu gorstinabyl.
a ỻaỽen vu gan baỽb o·nadunt yr
hynt honno. a chychwyn a|orugant
a|r padriarch a|gerdaỽd y·gyt ac ef
y dyd hỽnnỽ. ac a|drigyaỽd y·gyt
ac ef y nos honno. A thrannoeth
y bore y gwahanỽys y padriarch ac
[ ef